Eýrazııalyq Top (ERG) quramyndaǵy «Qazaqstan elektrolız zaýyty» AQ kásiporynnyń 10-jyldyǵyna arnalǵan festıvalda Indýstrııalandyrý taqyrybyna arnalǵan týyndylar, ınstallıasııadan turatyn ekspozısııa, óndiristik seh qabyrǵalaryna salynǵan kórkem týyndylar tanystyryldy. Bir aı boıǵy shyǵarmashylyq jumystyń nátıjesinde úzdik aerografıster komandasy kásiporynnyń 3 óndiristik seh qabyrǵalaryna salynǵan kórkem kompozısııany usyndy.
.jpg)
Aerografııanyń kólemi 1 000 sharshy metrdi quraıdy. Sýretshiler óz týyndylaryn salýǵa 150 lıtr boıaý jumsapty. Sýretter maqsaty - kompanııa jumysynyń negizgi basymdyqtary sapaly ónim shyǵarý, «Jasyl óndiristi jańǵyrtý», únemdi jáne qaldyqsyz óndiristi ilgeriletý, qaýipsizdik jáne eńbekti qorǵaý, kásibılik, áleýmettik jaýapkershilik. Oblys ortalyǵyndaǵy kórkemsýret kolledjiniń stýdentteriniń ındýstrııa taqyrybyna arnaǵan osyndaı shyǵarmashylyq eńbekteri óz maqsattaryna jetti degen sóz. Kartınalary, ınstallıasııadan turatyn ekspozısııalarynda ındýstrııa peızajy, kásiporyn jumysshylarynyń kúndelikti eńbek tynysy, «qanatty metall» óndirisiniń tolyq sıkli sýrettelgen. Jas sýretshiler ınstallıasııalarynda boksıt, áktas, alıýmınıı totyǵy, alıýmınıı men tipti metallýrgterdiń jumys quraldaryn da paıdalanǵan.
– Jobaǵa qatysqanymyzǵa óte qýanyshtymyz. О́ndiris taqyrybyn sýretteý úshin aldymen alıýmınıı metalyn óndirý jaıymen tanystyq. Zaýyt ómirin kartınalarymyzda óz kórgenimizdeı sýretteýge qol jetti,-deıdi shyǵarmashylyq top jetekshisi, kolledj oqytýshysy Olga Kerımova.
– ART-kompozısııa bizdiń zaýytta ǵana bar,-deıdi «Qazaqstan elektrolız zaýyty» AQ-nyń prezıdenti Roman Romanov. – О́ndiris orny-zaman aǵymymen damyp kele jatqan jas kásiporyn. Zaýytta erekshe, kreatıvti jastar jumys isteıdi. Sondyqtan zaýyt zamanǵa saı, metallýrgııa salasynyń ınnovasııalyq kóshbasshysy bolýǵa ábden laıyq dep oılaımyn.
Farıda Byqaı,
"Egemen Qazaqstan"
Sýretterdi túsirgen Vıktorııa Mashkarına
Pavlodar
