Alǵash ret ótkizilgenine qaramastan, oǵan 1600 adam qatysty. Mektep oqýshylary, stýdentter men pedagogtar, sport jáne mýzykalyq ujymdar, balalar men jastar mýzykalyq ansamblderi, orkestrleri N.Pogodın atyndaǵy oblystyq orys drama teatrynan bastap Táýelsizdik stellasyna deıin júrip ótti. Jeńis saıabaǵynda «Balalar úshin birigemiz» atty erekshe shara uıymdastyrylyp, korreksııalyq-damytatyn oıyndar, sporttyq-oıyn-saýyq baǵdarlamalary tamashalandy.
Balalar asfaltta molbertte sýret salý baıqaýyna, robot tehnıkasy, shahmat, toǵyzqumalaq, shaǵyn fýtbol, týrıstik kópsaıystarǵa qatysty. Jas karateshilerdiń qyzyqty kórsetilimder qoıdy. Anımatorlar, qýyrshaqtar balalar kóńilin kóterdi. Qazaqstan Konstıtýsııasy kóshesi boıynda «Ata-baba murasy - urpaqtar ıgiligi» dekoratıvtik-qoldanbaly shyǵarmashylyq kórmesi, «Ulttyq stılde aksessýralar jáne bezendirý», «Qaǵazdan jasalǵan tańǵajaıyp» sheberlik synyptary usynyldy
О́mir Esqalı,
Soltústik Qazaqstan oblysy.
