Osy rette О́skemende Oraza aıynda qolǵa alynǵan ońdy bastama týraly aıta ketýdiń oraıy kelip turǵan sekildi. Byltyr qaladaǵy Shyǵys Qazaqstan oblystyq «Halıfa Altaı» meshitiniń muryndyq bolýymen elimizde alǵash ret «Imam taksı» jobasy iske qosylǵan edi. Bul joba bıyl da óz jalǵasyn taýyp otyrǵany qýantady.
«Qazirgi tańda oblystyq «Halıfa Altaı» meshiti bastaǵan О́skemen qalasyndaǵy meshitterdiń ımam-moldalary men ustazdarynan jáne erikti jamaǵattan quralǵan 60-qa tarta kólik taraýıh namazynan shyqqan turǵyndardy tegin tasymaldap júr. Olardyń qatarynda 2-3 jeńil avtobýstar da bar. Bastama halyqtyń kóńilinen shyǵyp otyr», deıdi Qazaqstan musylmandary dinı basqarmasy О́skemen aımaǵynyń ókil ımamy Ermek qajy Muqataı.
Azamat QASYM,
«Egemen Qazaqstan»
О́SKEMEN
