Ásem tabıǵatpen tańdandyrý maqsatynda bıyl týrıster tuńǵysh ret atqa minip aralaıdy. Aınala kıiz úıler toly etno-aýyldar qurylady. Aýdan ákimdigi de týrısterdi qarsy alamyz dep Jasybaı, Sabyndykól, Toraıǵyr kólderiniń jaǵalaýyn jańalap, aýdan ortalyǵy Baıanaýyl men Toraıǵyr aýylynda jóndeý, jańǵyrtý jumystaryn júrgizdi.Bári de týrısterdi qarsy alýǵa daıyn.
О́ńirdegi «Saıat Pavlodar» jáne «Pıat zvezd» týrıstik kompanııalary EHRO – 2017 ulttyq kompanııasymen kelisimshartqa otyryp, kórmede sheteldikterge qyzmet kórsetetin uıymdardardyń qataryna qosyldy. Kelisimshart sheńberinde oblysta 5 týrıstik marshrýt ashylmaqshy. Sheteldikterge «Pavlodar – Ertis jaǵasyndaǵy qala», «Baıanaýyl ańyzdary – 1», «Baıanaýyl ańyzdary – 2», «Shaldaı ormanyna saıahat» jáne «Ertis-Baıan óńiri» degen marshrýttar belgilendi.
Bul baǵyttarda týrıster Baıanaýyldyń Jasybaı, Sabyndykól kólderi, Máshhúr Júsip kesenesi, Ǵabdulýahıt Haziret kesenesi, «Qaz qonaq» eskertkishteri bar. Negizgi marshrýttar óńirdiń Baıanaýyl, Lebıaji, Sharbaqty aýdandarynyń jáne Pavlodar men Ekibastuz qalalarynyń aýmaǵyna arnalýy kerek.
Aýdan ákimi Orazgeldi Qaıyrgeldınovtiń aıtýynsha, 10 maýsymda arnaıy túrde týrıstik maýsym ashyldy, jyl boıy jasalǵan jumystar tanystyryldy, nátıjesinde Baıanaýyl EKSPO-2017 kórmesine kelgen týrısterdi qabyldaýǵa daıyn, bul jumystardan basqa, týrısterge qolaıly bolý úshin salynǵan shaǵyn aerodromnyń ashylýyna oblystyq bıýdjetten 3 mlrd teńge bólinipti. Ushaq Astanadan Qaraǵandy arqyly týrısterdi Baıanaýylǵa jetkizedi. Toraıǵyr kóliniń jaǵasynda ornalasqan «Aqjanna» týrıstik-aqparattyq ortalyǵy týrısterdiń demalyp, jaqsy saıahattap, Baıanaýyldyń ásem tabıǵatymen tanysýǵa barlyq múmkindikteri jasaýda.
Farıda BYQAI,
«Egemen Qazaqstan»
