Ádebı kesh shymyldyǵyn О́zbekstan Jazýshylar odaǵy basqarmasynyń tóraǵasy, asa kórnekti prozashy Muhamed Alı kirispe sózben ashyp, kesh ıesiniń ózbek ádebıetin damytýǵa qosqan eleýli úlesi men qazaq ádebıetin nasıhattaý baǵytynda tynymsyz, jemisti jumys istep júrgen eńbegin joǵary baǵalady.
О́zbekstannyń halyq jazýshysy, Memlekettik syılyqtyń eki márte laýreaty, Qazaqstan Respýblıkasy Prezıdentiniń rýhanııat syılyǵynyń laýreaty, 88 jastaǵy abyz Nasyr Fazylov, fılologııa ǵylymdarynyń doktory, professor Qazaqbaı Iýldoshev, osy sharaǵa Qazaqstannan at arytyp arnaıy kelgen jazýshy Sábıt Dosanov, aqyn Mırpýlat Mırza jáne basqalar Mehmon Islamqulovtyń prozalyq, dramalyq shyǵarmalary, kól-kósir kórnekti aýdarmalary ádebı qazynany baıyta túsken asa baǵaly eńbek ekendigin qadap aıtty.
Qazaq aqyny Qasymhan Begmanov pen ózbek aqyny Lola Jýnıs arnaý óleńderin oqydy. Ádebı keshtiń ekinshi bóliminde jazýshynyń jary Dılfýza aǵynan jaryla aqtaryla aıtqan aqjarma aq tilek pen О́zbekstannyń óner juldyzdary shyrqaǵan ásem ánder ádebı keshke ár qıyrdan jınalǵan halyqtyń kóńilin kókke kóterdi. О́zbekstan men Qazaqstannyń mádenıeti men ádebıetine aıanbaı adal qyzmet etip júrgen kórnekti jazýshynyń qurmetine uıymdastyrylǵan jıyn dostyqtyń týyn bıik kótergen kórkem kesh boldy.
«Egemen-aqparat»
