Iаǵnı, aǵymdaǵy jyldyń naýryz aıynan bastap qaıyrymdylyq sharalarymen aınalysyp kele jatqan qor qoǵamdy izgilendirip, jaǵdaıy tómen otbasylardyń balalaryna kómek kórsetý barysynda qalalyq Jumyspen qamtý jáne áleýmettik baǵdarlamalar basqarmasymen tyǵyz baılanys ornatty. Basqarma halyqty áleýmettik qorǵaý júıesindegi fýnksııalardy júzege asyrýshy retinde az qamtylǵan muqtaj jandardy anyqtap qorǵa usynady. Bastapqy kezeńde basqarma tarapy usynǵan az qamtylǵan otbasylardan shyqqan 818 balanyń tizimi qarastyrylyp, onyń ishinde aqshalaı sertıfıkat túrinde 15 myńnan 35 myń teńge somasynda 350 otbasyna kómek kórsetilgen. Ázirge, kórsetilgen qarjylaı kómektiń jalpy quny 7,5 mıllıon teńgeni qurady. Qor jetekshileriniń aıtýynsha, «Týǵan jer» baǵdarlamasy sheńberinde júzege asyp jatqan bastama aldaǵy ýaqytta da jalǵasyn tappaq.
– Birinshi kezeńde mamyr aıynan bastap «Nıet» qoǵamdyq qorymen «Azyq-túlik sebeti» baǵdarlamasy boıynsha áleýmettik muqtaj azamattarǵa birshama qoldaý kórsetildi. 2017 jyldyń tamyzynan bastalatyn ekinshi kezeńde «Mektepke jol» baǵdarlamasy boıynsha mektep jabdyqtary men kıimge (mektep formasy) muqtaj balalar qamtamasyz etiledi. Al qarasha aıynan bastalatyn úshinshi kezeńde barlyq muqtaj jandarǵa, sonyń ishinde «Nıet» qoǵamdyq qorynda tirkelgenderge kómek kórsetiledi degen jospar bar – deıdi «Nıet» qoǵamdyq qorynyń prezıdenti Aınur Temirhanqyzy.
Bir aıta keterligi, qor onlaın platformasynda qaıyrymdylyqqa muqtaj jandardyń paıdasyna ázirlengen jáne ony kez kelgen adam engize alady.
Arman Oktıabr,
«Egemen Qazaqstan»
Almaty
