Er azamat alǵa qoıǵan maqsatyna jetip, ańsaǵan armanynyń shyńyn baǵyndyrý úshin, ózine degen senimdilikti boıyna qalyptastyrý qajet. Bolashaǵyn áskerı salamen baılanystyrý ol júrektilik bolyp tabylady. Sebebi, áskerı salanyń qıyndyǵyna kez kelgen adam tótep bere almaıdy. Tek, Otan aldyndaǵy paryzyn júrekpen sezinip, ómirin áskerge arnaǵan azamattyń tańdaýy erlikpen para-par.
Búgingi tańda elimizdiń qorǵany bolar urpaqtyń sanaly, saýatty bolýyna basty nazar aýdarylǵan. Olar Qarýly Kúshterdiń ár salasyna baılanysty joǵary áskerı ınstıtýttarda bilim alýda. Olardyń arasynda Radıoelektronıka jáne baılanys áskerı-ınjenerlik ınstıtýtynyń túlekteri de bar. Atalǵan áskerı ınstıtýt, bolashaq ofıser mamandaryn daıyndaıtyn Qazaqstan Respýblıkasy Qarýly Kúshterindegi aldyńǵy qatarly áskerı ınstıtýt bolyp sanalady.
Áskerı ınstıtýtta bilikti, tájirıbeli mamandar qyzmet atqarady. Komandırler men professorlyq-oqytýshylar quramy kýrsanttardyń bilimin shyńdaý maqsatynda aıanbaı eńbek etýde.
Kýrsanttardyń jetken jetistigi − ınstıtýt ujymynyń jeńisi, eńbeginiń jemisi desek, oryndy bolar. Kýrsanttar ózderin halyqaralyq, respýblıkalyq, oblystyq, qalalyq deńgeıde uıymdastyrylatyn ǵylymı jobalarda, sporttyq jarystarda, ıntellektýaldy saıystarda joǵary nátıje kórsetip keledi. Mundaı bıik belesterdi baǵyndyrǵan bilim alýshylar Qarýly Kúshterge qosqan úlesi úshin «El qorǵany» medalimen marapattalady. Endigi kezekte osy marapatqa ıe bolǵan kýrsanttarǵa toqtalyp ótsek:
Qaıyrjan Jubandyqov – Radıoelektronıka jáne baılanys áskerı-ınjenerlik ınstıtýty rabıobaǵyttaý fakýltetiniń 5-kýrs kýrsanty. Bolashaq ofıser maman oqýda jáne jaýyngerlik daıyndyqta úzdik kórsetkish kórsetkeni úshin, ǵylymı-zertteý jumystaryna qosqan úlesi úshin «El qorǵany» medalimen marapattaldy. Kýrsant Q.T.Jubandyqov respýblıkalyq ıntellektýaldy olımpıadanyń jeńimpazy. Vedomostvoaralyq konferensııalardyń qatysýshysy. «Úzdik sportshy jaýynger» sporttyq ataǵynyń ıegeri, UOS-tyń 70 jyldyǵyna arnalǵan paradqa qatysýshy.
«El qorǵany» medalimen marapattalǵan taǵy bir kýrsant Temirlan Muqataev. Ol atalǵan ınstıtýttyń radıobaǵyttaý fakýltetiniń túlegi. Kýrsant T.Muqataev TMD joǵary oqý oryndarynyń kýrsanttary arasynda ótken halyqaralyq olım-
pıadanyń qatysýshysy, «Úzdik sportshy jaýynger» sporttyq ataǵynyń ıegeri, UOS-tyń 70 jyldyǵyna arnalǵan paradqa qatysýshy. REjBÁII «Altyn belgi» medaliniń úmitkeri. Vedomostvoaralyq ǵylymı-zertteý konferensııalarynyń jeńimpazy. Respýblıkalyq, qalalyq JOO stýdentteri arasynda ótken debattardyń jeńimpazy.
Jigitke jeti óner de az. Joǵaryda aıtyp ótkendeı, ózine senimdi, saýatty urpaq − elimizdiń jarqyn bolashaǵy. «El qorǵany» medalinde qashalyp jazylǵan «Otanyńdy súı, halqyńa qyzmet et» degen qanatty sóz eldi qorǵaýshy árbir azamattyń jadynda bolýy tıis. Eger Baýyrjan Momyshulynyń sózimen aıtar bolsaq, «Ejelden er tilegi – el tilegi. Adal ul er bolyp týsa – el tiregi». Antyna adal, eline qorǵan bolar azamattarymyz kóbeıe bersin.
Radıoelektronıka jáne baılanys áskerı-ınjenerlik ınstıtýtynyń bitirýshi túlekterin bes jyl kóleminde alǵan bilimderiniń jemisin kórip, bilikti maman atanyp, komandırler men oqytýshylardyń jáne ata-analarynyń úmitin aqtaýlaryn tileımiz!
Sáýle ShAIаHMETQYZY
ALMATY
