Bul turǵydaǵy másele Parlamentte táýelsizdiktiń 25 jyldyǵyna oraı tarıhı deklarasııa qabyldanǵan sátte qoǵamda belsendi talqylanǵan bolatyn. Bul usynys óte zańdy edi.
Tarıhty zerdelesek, jahandyq keńistikte eliniń damýyna erekshe úles qosqan belgili tulǵalar esimin mańyzdy nysandarǵa berý úrdisi burynnan qalyptasqan. Onyń negizinde sol eldiń tarıhı beınesi aıshyqtalatyny haq. Osy turǵydan alǵanda táýelsiz Qazaqstandy Saryarqa tósine ornatyp, onyń atyn búkil álemge pash etkizgen Prezıdentimizdiń eńbegi ushan-teńiz.
Árbir eldiń eldigin tanytatyn oryny ol – áýejaı qaqpasy. Halyqaralyq standarttarǵa saı salynǵan Astana áýejaıyna da kún saıyn ártúrli shartaraptan meımandar kelip jatyr. Sondyqtan dara joldaǵy ámbebap qaqpanyń mańyzyna tereń boılasaq, onyń tamyry tereńde jatyr. Onyń aıasy da aýmaǵy da óte keń. Sondyqtan eldigimizdi, kemel tarıhymyzdy búkil álemge tanytqan Elbasymyz esimin san ult atbasyn tireıtin Astana halyqaralyq áýejaıyna berýi óte utyrly ári der mezgilinde qabyldanǵan sheshim dep bilemin.
Murat Baqtııaruly,
Parlament Senatynyń depýtaty
