Arqa men Alataý, Atyraý men Altaı arasyn alyp jatqan baıtaq elimizdiń búgingi tynys-tirshiligi – memleket damýynyń jarqyn dáleli, aıqyn kórinisi. Álemniń ozyq elderiniń qataryna qosylýǵa qaryshty qadam jasap, alymdy adymmen attaǵan Qazaqstannyń ár óńirindegi jotaly jetistikter men qalypty damý yrǵaǵy – Táýelsizdiktiń shırek ǵasyrynda qol jetken tolaǵaı tabystyń nátıjesi.
Demek, el óńirlerindegi áleýmettik-ekonomıkalyq ózgeristerdiń naqty kórinisi, mádenıet pen bilimniń jemisti nátıjeleri týraly, jalpy aımaq turǵyndarynyń ál-aýqaty jaıly tereńnen tolǵap jazý buqaralyq aqparat quraldarynyń mindeti bolýy tıis. Osy maqsatta jalpyulttyq «Egemen Qazaqstan», «Kazahstanskaıa pravda» gazetteri men «QazAqparat» agenttigi birlesip «О́SKEN О́ŃIR» jobasyn bastady.
Alǵashqy sóz el damýyna ózindik úles qosyp otyrǵan Aqtóbe oblysy jaıynda bolmaq.
