«Úrker» jýrnalynyń bas redaktory, halyqaralyq «Alash», «Soros-Qazaqstan» syılyqtarynyń laýreaty Qýandyq Túmenbaı óz sózinde Qyzyljardyń quıqaly topyraǵynan Maǵjan, Sábıt, Ǵabıt, Ivan Shýhov, Safýan Shaımerdenov sekildi qarymdy qalamgerdiń ósip-óngenin, olardyń keler urpaqqa amanattaǵan mol muralary qundylyǵyn eshqashan joǵaltpaıtynyn aıta kelip, Prezıdenttiń «maqsatqa jetý úshin bizdiń sanamyz isimizden ozyp júrýi, ıaǵnı odan buryn jańǵyryp otyrýy tıis» denen paıymdaryna jurtshylyq nazaryn aýdardy.
«Rýhanı jańǵyrý búgin bastalyp, erteń aıaqtalatyn jumys emes. Ony saıası, ekonomıkalyq damýymyzben sabaqtastyrý úshin,eń aldymen, ár qazaqstandyqtyń boıynda birtutas ult bolý ıdeıasyn qalyptastyrýymyz kerek. Bul oraıda, jas býyn tárbıesi erekshe oryn alady. Maqalada «Jastarymyz basymdyq beretin mejelerdiń qatarynda bilim árdaıym birinshi orynda turýy sharat. Sebebi, qundylyqtar júıesinde bilimdi bárinen bıik qoıatyn ult qana tabysqa jetedi» delingen. Sana-sezimimiz ben dúnıetanamymyzǵa ábden sińip qalǵan taýtaýryn qaǵıdalardan arylýdyń birden-bir joly–sanadaǵy silkinis. Ol ózdiginen kelmeıdi. Zaman aǵymyna ıkemdele otyryp, jańa dáýirdiń jaǵymdy jaqtaryn boıǵa sińirý–aldaǵy basty mindet osy», dedi belgili jazýshy.
«Prostor» jýrnaly bas redaktorynyń orynbasary, aýdarmashy Lıýbov Shashkova sanadaǵy silkinisti ıdelogııalyq jaǵynan qamtamasyz etý, ulttyq bolmystyń ózegin saqtaý, salt-dástúrlerdi, ulttyq rýhymyzdy baıytý máselelerin óz sózine arqaý etti. «Qazaqstandaǵy 100 jańa esim» jobasynyń mán-maǵynasyn ashyp kórsetip, dáıekti mysaldar keltirdi. Táýelsizdik jylnamasy naqty adamdardan, san qıly taǵdyrlardan, jasampaz eńbekten quralady. Ondaı tulǵalar elimizde az emes. Oyń óńirlik nusqalary da jasaly jatsa, jastarymyzǵa úlgi bolar edi,dedi ol.
Jıynda oblystyq Qazaqstan halqy assambleıasynyń hatshylyq meńgerýshisi Naıl Salımov, «Lad» slavıan qoǵamynyń jetekshisi Alesandr Kýrlenıa, Qazaqstan Jazýshylar odaǵynyń múshesi, jýrnalıst-pýblısıst Zeınolla Ákimjanov, jergilikti aqyn Vasılıı Konoplev, taǵy basqalary Elbasy usynǵan baǵdarlamalar men jobalar jurtshylyq kóńilinen shyqqanyn, endigi maqsat jańa jaǵdaıdaǵy rýhanı jańǵyrý ıdeıalaryn damýymyzdyń basty qaǵıdasyna aınaldyrý tıistiligin atap kórsetti.
О́mir Esqalı,
«Egemen Qazaqstan».
Soltústik Qazaqstan oblysy.
