«Búgin men óte qýanyshtymyn. Úsh balany jalǵyz tárbıelep kelsem de, súıikti kásibimnen qol úzgen joqpyn. Kóp jyl boıy páter jaldap keldim. Qolyma jaıly baspananyń kiltin ustatqanda ózimdi keremet baqytty sezindim», deıdi Petropavl qalalyq ishki ister basqarmasynyń ınspektory Ǵalııa Ybyraeva.
Baspanaly bolý baqyty 80 polısııa qyzmetkerine buıyrdy. Budan tysqary 11 tártip saqshysy «Turǵyn úı qurylys jınaq banki» arqyly «Bereke» yqshamaýdanynda boı túzegen kóp qabatty úılerden páterlerge qol jetkizdi.
«О́z mamandyǵynyń úzdigi» atanǵan tártip saqshylaryna qyzmettik kóliktiń kiltteri berildi.
Osy kúni jurtshylyq murajaı men alleıanyń ashylýyna kýá boldy. Sonymen qatar, patrýldik qyzmet janynan áıelder bólimshesi quryldy.
О́mir Esqalı,
«Egemen Qazaqstan»
