Saılaý elektrondyq júıemen baqylanady

Sonymen, 28 maýsymǵa bel­gilengen Parlament Senaty­­nyń depýtattaryn saılaýǵa ha­lyqaralyq uıymdar men shet mem­leketter­diń baıqaýshy­la­ryn akkredıtteý aıaqtaldy. Orta­lyq saı­laý komıssııasynyń mú­shesi Marat Sársembaevtyń má­li­metinshe, Syrtqy ister mı­nıstrligi saılaýdy baıqaý jó­nindegi 2 mıssııadan, 2 ha­lyq­aralyq uıym men 8 shet mem­le­ketten taǵy 118 baıqaýshyny akkre­dıtteýdi usyn­ǵan. Olar­dyń ishinde 66-sy – TMD baı­qaý­shylar mıssııasynan. 
Tarqatyp aıtsaq, TMD Par­la­ment­aralyq Assam­bleıa­sy­nan – 13 baıqaýshy, Shanhaı yn­tymaqtastyq uıymynan – 12, Be­larýs jáne Reseı odaǵy Par­­­lamenttik jınaly­sy­nan – 3, Túrki­tildes elderdiń yn­­tymaqtastyǵy keńesinen – 10, Túrkitildes elderdiń Par­lamenttik Assambleıasynan – 5 jáne 11 shet memleketten 25 baı­qaýshy bar.
Al Ortalyq saılaý komı­s­sııa­sy 172 baıqaý­shyny akkre­dıt­tedi. Olardyń ishinde 106-sy – TMD Mıssııasynan.
Halyqaralyq baıqaýshylar qata­rynda 15 shet memlekettiń or­talyq saılaý organdarynyń bas­shylyǵy, Reseı Memlekettik Dýmasynyń, Federal­dyq Jı­na­lysy Federasııa Keńesiniń já­ne TMD elderi men túrkitildes memleketter parla­­m­ent­teriniń de­pýtattary, Qazaq­standaǵy dıp­lo­matııalyq mıssııalardyń el­shileri men joǵary laýazymdy resmı tulǵalar bar. 
– Ortalyq saılaý komıs­sııa­synyń búgingi otyrysynda sheteldik baıqaý­shylardyń má­se­lesi kóteril­di. Ereje boıynsha al­dymen elimizdiń Syrtqy ister mınıstrligi baıqaýshylardy akredıtteýden ótkizip, tizimdi bizge usynady. Saılaýǵa bir kún qalǵanda baıqaýshylardyń kóbi osynda keledi. Olar Astanada ǵa­na emes, elimizdiń basqa da óńir­lerinde saılaýdyń ádil ári ta­lapqa saı ótýin baqylaıdy, – deıdi Ortalyq saılaý komıs­sııa­­synyń múshesi Marat Sár­sem­baev.
Onyń aıtýynsha, bıyl saı­laý prosesin ótkizýdi baqylaý úshin alǵash ret elektrondy jú­ıe engizilip otyr. Osy júıe ar­qy­ly tek akredıtteýden ótken baı­qaýshylar, jýrnalıster ǵa­na emes, búkil el turǵyndary daýys berý úr­disi barlyq zań talaptaryna saı ótkizilip jat­qa­nyn kompıýter arqyly baqylaı a­lady. Bul – demokratııalyq qo­ǵamǵa tán qubylys, deıdi ol. 
Ortalyq saılaý komıssııa­sy­nyń otyrysyn­da kún tár­ti­binde qaralǵan taǵy bir má­sele – О́skemen qalalyq más­lı­hatynyń shyǵyp qalǵan depý­ta­ty­­nyń ornyna saılaýdy kelisý tý­raly boldy. 
«Qazaqstan Respýblı­ka­syn­daǵy Saılaý týraly» Zań­nyń 101-baby, 4-tarmaǵyna sáı­kes shyǵyp qalǵan máslıhat de­pý­tatynyń ornyna saılaý osy jylǵy 30 shildege ta­ǵaı­yn­dalǵan. Muny biraýyzdan ma­­quldaǵannan keıin Shyǵys Qa­zaq­stan oblystyq saılaý komıs­sııa­syna saılaýǵa daıyndyq já­ne ony ótkizýge baılanys­ty uıymdastyrý-ádistemelik ju­mys­tardy júrgizý tapsyryldy.

Qymbat TOQTAMURAT,
«Egemen Qazaqstan»