Kórmeniń saltanatty ashylýyna Bilim jáne ǵylym mınıstri E.Saǵadıev, Eýropa Odaǵy men Ortalyq Azııa elderiniń bilim mınıstrlikteriniń ókilderi, sondaı-aq «Halyqaralyq baǵdarlamalar ortalyǵy» AQ prezıdenti J.Meldeshov qatysty. Kórme aıasynda qos dıplom baǵdarlamalary boıynsha dóńgelek ústel otyrysy uıymdastyryldy. Onda sheteldik bilim berý uıymdary ózderiniń stıpendııalyq jáne taǵylymda baǵdarlamalarynyń sharttarymen tanystyrdy.
«International Education Fair» kórme aıasynda sheteldik jáne qazaqstandyq ýnıversıtetter arasynda memorondýmǵa qol qoıý rásimi jáne bilim berý agenttikteriniń kezdesýleri ótti. Aýqymdy sharanyń basty maqsaty – Qazaqstan Respýblıkasynyń álemdik bilim keńistigine birigý úshin halyqaralyq yntymaqtastyqty nyǵaıtý bolyp tabylady. Sondaı-aq «Bolashaq» baǵdarlamasy arqyly jastardy sheteldik joǵary oqý oryndarynda bilim alýǵa tartý. Aıtýly sharaǵa otandyq jáne sheteldik 200-ge tarta joǵary oqý oryndary qatysty.
- «Qazaqstan Ortalyq Azııadaǵy iri bilim berý ortalyqtardyń birine aınalyp otyr. «Bolashaq» baǵdarlamasy ashylǵan 1993 jyldan beri 9600 maman bitirip keldi. Búginde 70 myńǵa jýyq stýdent shetelde oqıdy. Halyqaralyq bilim kórmesiniń ashylýy dúnıejúzine tanymal Fransııa, Germanııa sııaqty memleketterde tegin bilim alýǵa múmkindik bar. Kórmege 90 - sheteldik, 50 - qazaqstandyq ýnıversıtet, jáne 60-qa jýyq agenttikter qatysyp otyr. Bizdiń esepteýimizshe munda 200 myńǵa jýyq grant bar», deıdi «Halyqaralyq baǵdarlamalar ortalyǵy» AQ prezıdenti J.Meldeshov.
- Bizdiń ortalyq Fıladelfııa qalasynyń Pensılvanııa shtatynda. Biz Bolashaq baǵdarlamasymen jumys jasaımyz. Jylyna bizge onǵa jýyq stýdent keledi. Qazaqstandyq stýdentter belsendi, til bilýge degen talpynysy joǵary. О́kinishke oraı til mektepterinde grant joq, alaıda ýnıversıteterde bakalavr, magıstr, doktorantýrada jeńildikter, granttar bar», - deıdi Ekseter ýnıversıtetiniń halyqaralyq qatynastar bóliminiń menedjeri Sara Goddard.
- Vengrııaǵa oqýǵa tapsyrý men úshin asa qıyndyq týdyrmady. Munda eki etaptan ótesiz, biri qujat tapsyrý, ekinshisi - ıntervıý alady. Tek aǵylshyn tilin jetik bilseń bolǵany. Bilim berý deńgeıi óte joǵary, bilikti professorlardan dáris alamyz. Doktorantýrany 4 jyl oqımyz. 2 jyl kýrs, praktıkalyq sabaqtar, 2 jyl tek zertteýmen aınalysamyz. Men grantta oqımyn, 430 evro stıpendııa alamyn, al stýdentter 130 evro kóleminde shákirtaqyǵa ıe. Al oqý aqysy 1000-5000 evro aralyǵynda», deıdi Vengrııadaǵy ELTE ýnıversıtetiniń pedagogıkalyq jáne psıhologııa fakýltetiniń doktoranty Gúlsáýle Qaırat.
Aıta keteıik, Astanada 23-24 maýsymda «Qazaqstan konsert zalynda» ótse, 26-27 maýsymda Almaty qalasynda Ál Farabı atyndaǵy Qazaq Ulttyq ýnıversıteti kitaphanasynda ótedi. «Halyqaralyq baǵdarlamalar ortalyǵy» AQ «International Education Fair» halyqaralyq bilim kórmesin osymen tórtinshi ret ótkizýde.
Aıman MUQYShEVA
