– Elge qosh keldińiz! Quryltaı qalaı ótip jatyr?
– Álemdegi qazaqtardyń basyn qosý – ıgilikti is. О́z memleketińniń qamqorlyǵynda ekenińdi seziný – baqyt. Muny shettegi qazaqtar jaqsy túsinedi. Dúnıeni tańqaldyrǵan Astananyń ósip-órkendegen búgingi kelbeti erekshe. Baıaǵyda men ketkende múldem basqa bolatyn.
– Qaı óńirdiń qyzysyz? Fınlıandııaǵa qonys aýdarýyńyzǵa ne sebep boldy?
– Sheshem Kókshetaýdyń qyzy, ákem Arqanyń qazaǵy. Azan shaqyryp qoıǵan esimim – Qarlyǵash. Jastyq shaǵymda Máskeýde pedagogıkalyq ǵylym Akademııasynda oqydym. Máskeýden is-tájirıbeden ótýge kelgen fın qyzymen jataqhanada birge turyp, birge júrik. Osylaısha bolashaq jarymmen tanystym. Onyń KOKP OK janyndaǵy joǵary partııa mektebinde oqyp júrgen kezi edi, kommýnıstik partııanyń múshesi boldy. Odaq ydyrap jatqan tusta eki jarty bir bútin bolyp, joldasymnyń eline attanyp kettik. Fınlıandııada ómir súrip jatqanyma 30 jylǵa taıady. Turmysymyz jaqsy. Qyzym Týrkýdaǵy Abo Akademııasyn oqyp bitirdi. Týrký - eldiń ońtústik batysynda ornalasqan portty qala. Qazir fınderdiń fırmasynda jumys istep júr. Únemi shetelderde is-saparda bolady. Jaqynda ǵana Shanhaıǵa baryp keldi.
– Fınlıandııanyń qaı qalasynda turasyz?
– Joldasym qaıtys bolǵanǵa deıin Týrký qalasynda ómir súrdim. Keıinirek qyzymnyń qolyna Helsınkıge kóship bardym. Bir nemerem bar.
– Ol jaqta qandaı kásippen shuǵyldandyńyz?
– 1992 jyly Reseıdegi fınder eline oralyp jatqan kez-tuǵyn. Kóship kelgen balalar oqıtyn mektepte kómekshi bolyp qyzmet ettim. Olarǵa fın tilin úırete júrip, ózim de osy tildi tereń meńgerip aldym. Keıinirek qarttar úıine aýysyp kettim. О́ıtkeni jalaqysy joǵary, jumysy da jeńil boldy. Áý demeıtin qazaq joq, ara-tura óleń jazatynym bar. Odan bólek qazaq halyq ertegilerin fın tiline aýdaryp shyqtym. Bıyl Fınlıandııa memleketiniń táýelsizdigine 100 jyl tolyp otyr. Osyǵan oraı Qazaqstan elshiliginiń atynan ertegiler jınaǵyn tartý etpek oıym bar.
– Fınlıandııada qazaqtar bar ma? Aralasyp turasyzdar ma?
– Naqty sanyn aıta almaımyn. Mundaǵy qazaqtar Helsınkıdegi Ortalyq Azııalyqtardyń qaýymdastyǵymen jıi aralasyp turady. Aldaǵy ýaqytta qazaq mádenı ortalyǵyn qurýdy oılastyryp júrmiz.
– Qazaqstanǵa qanshalyqty jıi kelip turasyz?
– О́te sırek. О́ıtkeni jol qatynasy qıyndaý, Qazaqstanǵa Fınlıandııadan tikeleı reıs joq. EKSPO kórmesine oraı Helsınkı-Astana baǵytynda arnaıy áýe reısi ashyldy. Áıtpegende kólikten kólikke aýysyp miný qıyn, ekinshiden jasym kelip qalǵan adammyn. 11 jasar nemerem bar. Olardy tastap Qazaqstanǵa kete almaımyn ǵoı. Bul meniń taǵdyrym.
– Áńgimeńizge rahmet!
Aıa О́MIRTAI,
«Egemen Qazaqstan»
