Qurmetti otandastar!
Barshańyzdy qasıetti Oraza aıt merekesimen quttyqtaımyn!
Bul meıram kúlli musylman úmbeti úshin mańyzdy Ramazan aıynyń aıaqtalǵanyn bildiredi. Ejelden ıslamǵa tán qundylyqtar – beıbitsúıgishtik, janashyrlyq pen baýyrmaldyqtyń tereń mán-maǵynasy osy shýaqty kúnderde aıqyn seziledi.
Oraza aıtta shyn júrekten aq tilek aıtylyp, ár adam adamı qarym-qatynastyń jylylyǵy men aınalasyndaǵylardyń qamqorlyǵyn seziný úshin qaıyrymdylyq sharalary jasalady. Izgi nıet pen ıgi ister qoǵamda ózara túsinistiktiń ornaýyna, halqymyzdyń tatýlyǵy men aýyzbirshiligin nyǵaıtýǵa septigin tıgizedi. Bul – elimizdiń odan ári turaqty jáne senimdi damýynyń basty kepili.
Birlik pen tatýlyq júregimizde árdaıym beıbitshilik pen jasampazdyqtyń jylýyn uıalatsyn!
Osy merekege oraı barsha qazaqstandyqtarǵa zor densaýlyq pen baq-bereke tileımin!
Oraza aıt qabyl bolsyn!
