Nursultan Nazarbaevqa Monakonyń ulttyq pavılonynda energetıkalyq turǵyda «jasyl ekonomıkaǵa» ótýdiń problemalaryna arnalǵan ekspozısııalar jáne Knıazdikte qoldanylatyn úzdik tájirıbeler kórsetildi. Memleket basshysy «Bolashaqtyń beınesi» atty ınstallıasııamen, Monakonyń aýmaǵyn keńeıtý jónindegi jobanyń maketimen, «Jasyl zerthana» seksııasymen jáne kún energııasymen júretin velosıped sııaqty basqa da ekspozısııalarmen tanysty.
Sońynda Nursultan Nazarbaev Monako Knıazdigi ulttyq pavılonynyń Qurmetti qonaqtar kitabyna qoltańba qaldyryp, II Alberge Qazaqstannyń «Nur Álem» ulttyq pavılonyn kórsetti. Onda eki eldiń kóshbasshylary ýrandy jerasty uńǵymaly tazartý ádisin, «Tokamak» termoıadrolyq reaktorynyń ınteraktıvti maketin jáne Qazaqstannyń mádenıeti men tarıhyna arnalǵan basqa da ekspozısııalardy kórdi.
***
Monako Knıazdigi ulttyq pavılonynyń taqyryby – «Bolashaqtyń beınesi». Onda 2025 jylǵa qaraı teńizdiń 6 gektarynda qurylys júrgizý arqyly Knıazdik aýmaǵyn keńeıtý jónindegi sheshimderge arnalǵan ekspozısııalar, ekologııalyq ornyqtylyq pen ekologııalyq mobıldilik salasyndaǵy jobalar qoıylǵan.
