Jaqsylyq jarshylaryn saltanatty túrde quttyqtaǵan oblys ákimi Erlan Qoshanov tórtinshi bılikti tórge ozdyryp, óńirdiń órkendeýine ózindik úlesterin qosyp jatqan áriptesterge erekshe iltıpat bildirdi.
– Men osy sahnaǵa kóterilmes buryn, bir qyzyq derekti oqyp, sholyp óttim. Álemde 40 mıllıonnan astam jýrnalıst bar eken. Biraq, sol 40 mıllıonnyń ishinde, biz úshin qaraǵandylyq tilshiler – eń myqty, eń qarymdy, eń otanshyl dep esepteımin. Sózimniń dáleli retinde, búgin bizdiń «Ortalyq Qazaqstan» gazetiniń Bas redaktory Maǵaýııa Sembaı – otandyq jýrnalıstıkanyń damýyna qosqan eleýli úlesi úshin QR Prezıdenti syılyǵynyń ıegeri atandy. Bul – Qaraǵandy jýrnalıstıkasyna berilgen baǵa, úlken abyroı, – dedi aımaq basshysy.
Bıyl janyna qaǵazy men qalamyn serik etken sóz sardarlary 10 atalym boıynsha anyqtaldy. Marapatqa oblys ortalyǵynan, qala aýdandardaǵy baspasóz, telearna, radıo, saıt tilshilerimen, fotosýretshi, tehnıka sheberleri tárizdi, sonymen qatar respýblıka kóleminde habar taratatyn BAQ qyzmetkerleri ıe boldy. Bıylǵy 1 mln teńge kólemindegi «Altyn suńqar» syılyǵynyń bas júldesi «Habar» agenttigi AQ Qaraǵandy qosynynyń ujymyna buıyrdy.
Merekelik shara konsertke ulasyp, estrada juldyzdary óner kórsetti.
Mıras ASAN,
«Egemen Qazaqstan»
