Astanadaǵy Aqtóbe oblysy kúnine oraılastyrylǵan bul sharaǵa aımaq basshysy Berdibek Saparbaev, Syrtqy ister mınıstri Qaırat Ábdirahmanov, Investısııalar jáne damý, Mádenıet jáne sport mınıstrlikteriniń, ulttyq kompanııalar men sheteldik uıymdardyń ókilderi, sondaı-aq dıplomatııalyq mıssııalardyń basshylary qatysty.
Aqtóbe oblysynyń ákimi B.Saparbaev qatysýshylardy óńirdegi bolashaǵynan zor úmit kúttiretin ınvestısııalyq jobalarmen tanystyrdy. Olardyń ishinde Shalqar aýdanynda temir kenderin qaıta óńdeý boıynsha taý-ken metallýrgııalyq kesheni, Temir aýdanynda «Ashysaı» tıtan-sırkonıı ken ornyn ıgerý jobasy, Aqtóbe qalasynda qýattylyǵy 45-55 MVt ferroqorytpa gazymen qaldyqtardy qaıta óńdeıtin elektr stansasyn salý, Qarǵaly aýdanynda bolat pen shoıyn túrindegi ónimder shyǵaratyn taý-ken metallýrgııalyq kesheniniń qurylysy, Mártók aýdanynda aýyl sharýashylyǵy taýarlarynyń kólik-logıstıkalyq ortalyǵy, Alǵa aýdanynda joǵary tehnologııalyq jylyjaı keshenin salý, Qarǵaly aýdanynda broıler ósirýmen aınalysatyn qus fabrıkasynyń qurylysy, Mártók aýdanynda 3000 bas múıizdi iri qaraǵa arnalǵan joǵary tehnologııalyq bordaqylaý keshenin qurý, «Sheraton» qonaqúı kesheni sekildi iri jobalar bar.
Aımaq basshysy B.Saparbaev Syrtqy ister mınıstri Q.Ábdirahmanovqa, elshilerge, ulttyq kompanııalar men sheteldik uıymdardyń ókilderine oblystyń ınvestısııalyq jobalary usynylǵan kórmege ýaqyt bólip kelgenderi úshin alǵysyn aıtty.
«Qazaqstannyń ustanǵan ınvestısııalyq saıasatyn barlyǵyńyz jaqsy bilesizder. Jalpy, Aqtóbedegi ınvestısııalyq ahýal da sondaı. Osynda oblysymyzdaǵy ınvestısııalyq jobalarmen tanystyńyzdar. О́ńirde ınvestorlar úshin qandaı jaǵdaı jasalatynyn bildińizder. Basty maqsatymyz – óńirde ınvestorlardyń qaýipsiz ári senimdi jumys isteýine múmkindik jasaý. Biz elimizdiń normatıvtik-quqyqtyq aktilerin eskere otyryp, óńirde ınvestorlar úshin barlyq jaǵdaıdy jasaımyz», dedi oblys ákimi.
Kórme barysynda Aqtóbe oblysynyń ákimdigi men «United Energies Aktobe» JShS arasynda «Aqtóbe» ındýstrııalyq aımaǵynda jel generatorlaryn óndiretin zaýyt salý jónindegi memorandýmǵa qol qoıý rásimi bolyp ótti. Qujatqa aımaq basshysy Berdibek Saparbaev pen «United Energies Aktobe» JShS-niń bas dırektory Mıhael Paýls qol qoıdy. Jalpy quny 84 mln eýroǵa baǵalanǵan jobanyń júzege asyrylýy óńirde 500 myń jańa jumys ornyn ashýǵa múmkindik beredi.
Aıdar О́RISBAEV,
«Egemen Qazaqstan»
