Jarys aldynda Almaty oblysynyń balýany, «Qazaqstan barysynyń» 2011 jylǵy jeńimpazy Ulan Rysqulǵa habarlasyp, týrnır týraly pikirin bilgen edik.
– Ulan, bıylǵy týrnırge daıyndyǵyńyz qalaı?
– Daıyndyǵym jaman emes. Búginge deıin tynbaı eńbek etip, aıanbaı ter tógip jaqsy bappen keldim. Endi, aldaǵy dodada barymdy salyp, jeńiske jetýdi maqsat etip otyrmyn. Degenmen, jeńimpazdy bárin bozkilem anyqtap beredi ǵoı.
– Fınalǵa qatysatyn balýandardyń tizimin qarasaq, kóbi jas jáne alǵash ret qatysyp jatqan sportshylar. Solardyń ishinde qaı balýannyń bási bıik, kimnen erekshe úmit kútýge boldy?
– «Qazaqstan Barysynyń» fınaldyq básekesine qatysatyn balýandar óz aımaǵynyń kil myqtylary. Dese de, suraǵan ekensiz aıtaıyn. Bıyl «Ásker barysy» atanǵan Syr óńiriniń balýany Elaman Erǵalıevten kóp úmit kútýge bolady. Onyń fınalǵa deıin irkilmeı baratyndaı mol múmkindigi bar. О́te talantty balýandardyń biri osy sportshy. Sondaı-aq, mańǵystaýlyq Nurdáýlet Jarylǵapovtan da nátıje kútýge bolady.
– О́zińizge eń basty qarsylas retinde kimdi ataı alasyz?
– Tóreshiden bastap, 34 balýannyń barlyǵy basty qarsylasym. Eshkimdi bóle jarǵym kelmeıdi. Bireýiniń jasy kishi, ekinshisiniń salmaǵy az dep beıqam qaraýǵa bolmaıdy. Ár beldesýge shyqqanda fınalda kúresip jatyrmyn jáne jeńemin dep shyǵý kerek.
– Bıyl kim «Qazaqstan barysy» atanýy múmkin?
– Men. Bıyl «Qazaqstan barysy» ózim bolamyn. Munym artyqtaý da bolar. Degenmen qazirgi daıyndyǵym men babyma qarap, ózimdi osylaı jigerlendiremin jáne soǵan senimdimin.
– Bıylǵy týrnırge Beıbit Ystybaevtyń qatyspaıtyny belgili. Buryn kóbi «Beıbitti jeńip, chempıon atansam» deıtin...
– Byltyr Beıbit Ystybaevty utyp, chempıon atanamyn dep oıladym. Biraq, ókinishke qaraı jeńilip qaldym. Endi ekeýimiz bul týrnırde kezdespeıtin shyǵarmyz.
Áńgimelesken Álı BITО́RE
«Egemen Qazaqstan»
