Grekııa problemasy kári qurlyqtyń «bas aýrýy» bolýynan áli de arylar emes. Keshe Eýroodaq, Eýroortalyqbank, Halyqaralyq valıýta qory sııaqty uıymdardyń sarapshylary oǵan beriletin 8 mlrd. dollarlyq kezekti transhtyq kómekti keıinge qaldyrý týraly sheshimge keldi.
Sarapshylar tobynyń basshysy Jan Klod Iýnkerdiń málimdeýinshe, másele Grekııanyń bıligine tirelip tur. Ol eýropalyqtardyń talabyn tolyq oryndaýǵa qol jetkize almaı otyr. Atap aıtqanda, 7,6 paıyzǵa belgilengen bıýdjet tapshylyǵy 8,5 paıyzǵa, 3,8 paıyzǵa belgilengen ekonomıkanyń quldyraýy 5,5 paıyzǵa jetken. Osyndaı jaǵdaıda kezekti transhtyq kómekti berý máselesin sheshý 13 qazanǵa qaldyryldy.
Astronomdar erledi
Osy kúnderi naqty ǵylymnyń túrli salasyndaǵy jetistikter úshin beriletin Nobel syılyǵynyń ıegerlerin anyqtaý qyzý júrip jatyr. Keshe fızıka salasyndaǵy syılyq osymen tórtinshi ret astronomdarǵa beriletini belgili boldy.
Onyń ıeleri AQSh-tyń Kalıfornııa jáne Baltımor ýnıversıtteriniń professorlary Sol Perlmýtter men Adam Raıes jáne Avstralııanyń Ulttyq ýnıversıtetinen Braıen Shmıdt boldy. Olar jer júzi keńeıý jyldamdyǵy fenomenin ashqan. Sonymen birge fızıologııa men medısına salasy boıynsha amerıkalyq Brıýs Boıtler men lıýksembýrgtik Jıýl Hoffmandar laýreat atandy.
Bólise almaı jatqandary Reseı baılyǵy
Londonda qýǵyndaǵy reseılik olıgarh B.Berezovskıı «Sıbneft» pen «Rýsal» kompanııalaryndaǵy óziniń úlesin R.Abramovıchtiń aldaýymen arzanǵa satyp jibergenin aıtyp, óziniń burynǵy áriptesinen 5,6 mlrd. dollar óndirýdi talap etip sotqa shaǵym túsirgen. Sot prosesi keshe bastaldy.
B.Berezovskıı «Sıbnefttegi» úlesin Abramovıchtiń aldaýymen 2003 jyly oǵan 1,3 mlrd. dollarǵa satyp jibergen eken. Al anaý bolsa eki jyldan keıin Berezovskııdiń úlesin «Gazpromǵa» on ese artyq baǵaǵa ótkizipti. Sondaı-aq «Rýsaldaǵy» 25 paıyzdyq úlesin R.Abramovıch óz áriptesteri B.Berezovskıı men B.Patarkasshvılıge aıtpaı O.Derıpaskaǵa qymbatqa satyp jibergen, sonyń kesirinen ana ekeýiniń úlesi tym arzandap qalǵan.
Ádiletin sot aıtady
Ýkraınanyń eks-premer-mınıstri Iýlııa Tımoshenkoǵa 11 qazanda sot úkimi shyǵarylady dep kútilýde. О́tken senbi kúni sýdıa oǵan sońǵy sóz bergende Iý.Tımoshenko daıyndalatyn ýaqyttyń múlde az berilgendigin aıtyp, ony aıtýdan bas tartty.
Eks-premerge prokýror 7 jyl jaza berýdi surap otyr. Aıyptalýshynyń ózi de, onyń advokaty da úkimniń bostandyqtan aıyratyn jaza berýmen aıaqtalatynyna kónip otyrǵan syńaıly. О́ıtkeni, olar ózderin burynǵydaı saıası tartystyń qurbanymyz dep aqtaýdy qoıypty. Al burynǵy premerdiń jaqtastary ózderiniń pármenderin áli de qoıar emes. Olar keshe kedergige qoıylǵan qaqpany buzyp ketti.
Týǵan eldiń topyraǵyna oraldy
Budan 9 aı buryn AQSh-tyń Maıamı shtatynda qaıtys bolǵan Venesýelanyń burynǵy prezıdenti Karlos Andres Perestiń máıiti týǵan eline jetkiziletin boldy. Bul istiń sońynan túsip, aqyry óz talabyna qol jetkizgen marqumnyń alǵashqy áıeli Blanka Rodrıges de Peres eken.
Karlos Peres Venesýelanyń 1974-79 jáne 1989-93 jyldardaǵy eki dúrkin prezıdenti bolǵan. 1992 jyly elde eki ret bılikke qarsy kóterilis boldy, onyń sońǵysyn eldiń qazirgi prezıdenti Ýgo Chaves bastaǵan. 1993 jyly oppozısııa sybaılas jemqorlyqqa malynǵandyǵy úshin Pereske ımpıchment jarııalaýǵa qol jetkizdi. Sodan keıin ol AQSh-qa emmıgrasııaǵa ketken edi, endi, máıiti eline oralatyn boldy.
Lańkesterge tosqaýyl qoıylatyn kez jetti
Túrkııa bıligi kóbeıip ketken lańkestikterge qarsy sheshimdi áreketterge shyqqan sııaqty. Qazir eldiń barlyq túkpirlerinde terrorlyq uıym dep tanylǵan kúrd jumysshy partııasynyń múshelerin tutqyndaýlar júrip jatyr.
Sonyń ishinde Ystambul qalasynda ǵana partııanyń jergilikti uıashyqtarynyń músheleri degen kúdikpen 83 adam ustaldy. Eldiń Premer-Mınıstri Taııp Redjep Erdoǵan keıbir nemis qaıyrymdylyq qorlarynyń lańkestik uıymdardy qarjylandyratyny týraly málimdedi. Al Germanııa bıligi bul aıyptaýlardy túbegeıli tekseretini týraly jarııa etti.
Qysqa qaıyryp aıtqanda:
*Bahreınde bılikke qarsy shyqqany úshin 14 shııt ómirbaqılyq túrmede otyrý jazasyna kesildi. Sondaı-aq kóterilisshilerdi emdegeni úshin 20 medısınalyq qyzmetkerge 15 jyldan jaza berildi. *Sırııanyń prezıdent B.Asadty qoldaıtyn bas múftıdiń 21 jastaǵy balasy Sarııa Hýseındi keshe belgisiz bireýler atyp óltirgen. Bul is onyń ákesiniń prezıdentti qoldaıtyndyǵymen baılanystyrylyp otyr. *Aýǵanstan prezıdenti H.Karzaı Pákstan ókimetin eldegi sodyrlardy qoldaıdy dep ashyq aıyptady. Resmı Islamabad bizdiń el boıynsha eki túrli standart ustanýda, sóz júzinde ol sodyrlardy qoldamaımyz degenimen is júzinde qoldap otyr, dedi H.Karzaı. *Taılandta IýNESKO-nyń esebine enip, qorǵaýǵa alynǵan Chaıvatthanaram hramy sýǵa ketti. Sondaı-aq sý tasqyny bastalǵannan beri 224 adam sheıit bolyp, mln.-ǵa jýyq adam baspanasyz qalǵany belgili bolyp otyr.Internet materıaldary negizinde ázirlendi.
