Eń bastysy – rýhanı jetilý

Ústimizdegi jyldyń qa­rasha aıynyń basynda qa­sıetti Mekke qalasynda musylmandyq kúntizbege sáıkes Zýl-hıdja aıynyń birinshi kúni týraly jarııa­lanatyn bolady. Osy aıda qajylyq ótkiziledi, dep habarlady Din isteri agent­tiginiń baspasóz qyzmeti. Osyǵan oraı, Astana qala­syndaǵy Saýd Arabııasy Korol­diginiń elshiligi Qazaq­stan Res­pýblıkasy Din isteri agenttigine qajylyq-mıs­sııa­ny jasaýǵa nıeti bar qa­zaqstandyq qajylarǵa, son­daı-aq qajylardyń kelýin uıymdastyratyn týrıstik kom­­pa­nııalarǵa tómendegi sa­nı­tarlyq-medısınalyq talaptar týraly habarlaýyn ótindi. Saýd Arabııasy Koroldigine basqa elderden keletin barlyq qajylar epıdemııa­lyq aýrýlar­dyń halyq­ara­lyq erejelerine baǵynýy tıis. Qajylardyń óz elderinde epıdemııalyq sıpat­taǵy aýrýlar paıda bolǵan jaǵdaıda, Saýd Arabııasy Koroldiginiń Densaýlyq saq­taý mınıstrligi Dúnıe­júzilik densaýlyq saqtaý uıymymen birlese otyryp, shu­ǵyl sharalardy qabyldap, qajy­larǵa halyqaralyq nor­malarǵa sáıkes medısınalyq talaptardy belgileýge quqy­ly bolady. Árbir qajynyń Saýd Arabııa­syna kelgenge deıin 10 kúnnen aspaıtyn merzimde, sondaı-aq 3 jyldan ar­tyq emes mezgilde jasal­ǵanyn rastaıtyn epıdemııa­lyq menıngıtke qarsy egý týraly anyqtamasy bolýy shart. Qajy­lyqqa baratyn 15 jastan tómengi balalardyń Saýd Arabııasyna kelgenge deıin 6 apta buryn jasal­ǵanyn rastaıtyn polıomıelıtke qarsy egý týraly anyqta­masy bolýy talap etiledi. Odan basqa, Saýd Ara­bııasy Korol­diginiń Densaý­lyq saqtaý mınıstrligi qa­jylardan, ásirese, jasy ulǵaıǵan, sozylmaly astma, qant dıabeti, búırek, baýyr jáne júrek aýrýlaryna shal­dyqqan adamdardan qajy­lyqqa kelgenge deıin maý­symdy tumaýǵa qarsy egýdiń bar bolýyn talap etedi. Qajylarǵa tekserilýi ońaı bola­tyn konservilengen nemese ar­naıy oralǵan azyq-túlikten basqa, azyq-túlik ónim­derin ákelýge tyıym sa­lynady. Sondaı-aq, sáýir aıynda Jıdda qalasynda Qazaqstan musyl­mandary dinı basqar­masy men Saýd Arabııasy Koroldiginiń Qa­jy­lyq ister jónindegi mınıstrligi ara­synda qol qoıylǵan qajy­lyq­ty uıymdastyrý men onyń tártibi týraly hattama­synyń negizinde Mekke jáne Medıne qalalaryna qajy­lyqqa baratyn qazaqstandyq musylman­dardyń sany 4 myń bo­lýy qajet. Qajylyq ja­saýǵa nıeti bar qazaq­standyq azamat­tardyń sany artqan jaǵdaıda, qazaq­stan­dyq tarap jyl saıyn óz úlesin 10 myń adamǵa deıin kóbeıtýge qu­qyly. Bul múm­kindik týraly Islam Yn­tymaqtastyǵy Uıy­­­my­na mú­she memleket­terdiń syrt­qy ister mınıs­trleriniń 1987 jylǵy «Árbir mıllıon tur­ǵyn­nan myń adam esebimen qajy­lardyń sanyn shekteý týraly» sheshiminde belgilengen. Islam Ynty­maqtastyǵy Uıymynyń derekteri boıyn­sha, Qazaq­stan Res­pýb­lı­kasynyń mu­syl­man sany 10 mln.-nan astam. Qa­jylyq – ıslamnyń besinshi sharty bolyp tabylady. Adamdar­dyń kóbisi qajy­lyqqa ómirinde bir ret qana barady, sondyqtan buǵan aldyn ala jáne muqııat daıyndalý óte mańyzdy. Tek qana aqsha jınap, ýaqyt pen kúsh jumsaý ǵana emes, sonymen birge, eń bastysy – rýhanı jetilý qajet.