JAŃA TÝǴAN SÁBIGE — 100 MYŃ TEŃGE

Sandyqtaý aýdanynyń ákimi Qanat Súıindikovtiń Maksımov aýyl­dyq okrýginiń turǵyndary aldyndaǵy esepti kezdesýinde jańa bastama dúnıege keldi. Osyn­daǵy tórt eldi mekende soń­ǵy jyldary bala týý deńgeıi ke­mi­gendigi jónin­degi eskertpege oraı, “Svobodnoe” JShS dı­rek­tory Aleksandr Zaký­sı­lov  árbir sábıge 100 myń teń­geden jórgekpul jáne basqa kómek kórsetetinin málimdedi. Aýyldardyń muń-muqtajy men talap-tilekterin oryndaýdy basty  paryz sanaıtyn  sharýa­shy­lyqta nan­nyń baǵasy 25 teń­geden kóte­ril­meýi, ardagerlerge otyn-sýdyń tegin taratylýy, bastaýysh synyp balalarynyń aqy-pulsyz tamaq­ta­nýy, klýb­tar­dyń mýzykalyq aspap­tarmen, konserttik kıimdermen qamta­ma­syz etilýi, kitaphanalardyń jón­delýi, stýdenttik stıpendııanyń molaıýy ózgelerge úlgi bolar­lyqtaı. О́mirdiń qatań zańyna ne sha­ra, munda qarttar úıi de ashyl­ǵan. Ony ustaý, árıne, Zakýsılov sha­rýa­shy­ly­ǵynyń moınynda. О́tken jyly ár gektardan 29 sentnerden astyq jı­nap, mal sharýashylyǵyn damy­typ, qaıta óńdeý isin órge bas­tyr­ǵan Mak­sımovtyń alańsyz tirshiligi súıindiredi. Baqbergen AMALBEK, Aqmola oblysy, Sandyqtaý aýdany. 2010 JYLDYŃ BASYNDAǴY ÚShEM Taraz qalasyndaǵy Kenen Ázir­baev atyndaǵy oblystyq perınatal­dyq orta­lyqta úshem dúnıege keldi. Úshemniń ájesi Roza Abdýllaeva men ata-anasy Baýyrjan jáne Marjan Naızaqulovtardyń qýany­shyn­da shek joq. Uldaryna – Nursultan, qyzdaryna – Ámına men Aızere esimderin beripti. Dárigerlerdiń aıtýynsha, jas anany aman-esen bosandyrý úshin ony aldyn ala aýrýhanaǵa jatqy­zyp, operasııa sátti ótken. Búginde úshemniń de, olardy dúnıege ákelgen ananyń da densaýlyqtary jaqsy. Kóp bala – eldiń órkendep, óskenine, kógerip, kóktegenine jaqsy. Sondyqtan barys jylynyń basynda dúnıege kelgen alǵashqy úshemge bılik pen buqara bolyp, ıaǵnı kóp bolyp qýana bilý de artyq emes-aý. Kósemáli SÁTTIBAIULY, Taraz. JAŃAО́ZENDE JUMYS JÁRMEŃKESI О́TTI Munaıshylar ordasy Jańaózen – halqynyń  sany ósip, soǵan oraı qurylysy da qarqyn alýdaǵy qala. Munda sońǵy úsh jylda ǵana 286 myń sharshy metr turǵyn úı, 4 orta mek­tep, sońǵy talaptarǵa saı sa­lynǵan sport kesheni, 280 oryndyq balabaqsha jáne ondaǵan áleýmettik nysandar boı kóterdi. Sol qury­lystardy bá­seń­detpeý úshin ótken jyly qala bıýdjeti 4 ese ulǵaı­tyldy. Iаǵnı, eki qolǵa bir kúrek demekshi, yntasy bar­ǵa túrli jumys oryndary ashylyp-aq jatyr. Osy jyl basynda qalada bir orta mektep, úsh balalar baqshasy, per­zent­hana jáne ókpe aýrýlary aýrýha­na­sy men kóp páterli turǵyn úı qu­ry­lysy bastaldy. Soǵan oraı qala­lyq ákimdik, qurylys mekeme­leri ju­mys izdeýshiler úshin jumys jármeń­kesin uıymdastyr­dy. Onda qurylys salasyna qajetti júzdegen mamandyq ıelerimen áńgime bolyp, jumysqa sol jerde-aq qabyldaý uıymdastyryldy. Sondaı-aq, qala bas­shylary sol bas­qosýda “Jol kar­tasy” baǵdarla­ma­syna oraı sura­nys­qa ıe mamandyq­tarǵa oqytý, qaıta daıarlaý jumystary da osy jyly jalǵastyrylatyndyǵyn jetkizdi. Jolaman BOShALAQ, Mańǵystaý oblysy, Jańaózen qalasy. ...úılerge qonystandy Memlekettik turǵyn úı baǵ­dar­lamasy men “Jol kartasy” aıasynda jer-jerde  halyqtyń  bas­panaǵa degen suranysyn qa­naǵattandyrý jumystary sheshi­min tabýda. О́tken jyly osy maqsattaǵy jumys kólemi 108,5 mlrd. teńgeni qurap, jyl sońyna deıin 541,4 myń sharshy metr turǵyn úı paıdalanýǵa berilgenin aıtýǵa bolady. Sonymen qatar, 2008-2010 jyldarǵa arnalǵan turǵyn úı qurylysy jónindegi memlekettik baǵdarlamanyń tııa­naǵyn keltirý baǵytyndaǵy ju­mys sheshimin taýyp, 522,3 myń sharshy metr baspana el ıgiligine usynylady dep josparlanǵan. О́ńirdegi aýdan men qalalarda Elbasynyń tapsyrmasyna baı­la­nysty baǵdarly jumystar keńinen etek alýda. Sonyń naqty dáleli Uıǵyr aýdanynyń Shon­jy aýylynda qonys toıy ótip, aýdan ortalyǵy men Bahar aýyly arasyndaǵy alańda boı kótergen 7 jańa turǵyn úı “Jol kartasy” baǵ­darlamasy boıynsha paıda­laný­ǵa berildi. Osy maqsatqa 53 mln. teńge qarjy bólinip, ıge­rilgen. Aldaǵy ýaqytta aýdanda bul jumys jalǵasyn taýyp, halyqtyń baspanaǵa degen qajeti ótele beretin bolady. Kúmisjan BAIJAN, Almaty oblysy. ...balabaqsha  140 búldirshindi qýantty Baqytjan Jolamanov bas­qa­ratyn qalalyq ákimdik sońǵy kezderi oblys ortalyǵyndaǵy ár­túrli mekemeler ıelenip ket­ken birneshe balabaqshany qaı­taryp aldy. Nátıjesinde jeke­she­lendirý jyldary qoldy bol­ǵan segiz birdeı ǵımarat tolyq­taı kúrdeli jóndeýden ótti. Qazir bul balabaqshalarda 1500 búl­dir­shin tárbıelenýde. Al, Nadejda Krýpskaıa kóshesinde ornalasqan eski balabaqsha úıi nebári alty aı ishinde jańaryp, jarqyrap shyǵa keldi. Sóıtip, kezek kútip úıde otyrǵan kishkentaılarǵa esigin aıqara ashty. Ata-analar men kishkentaılardyń qýany­shy­na aınalǵan bul ǵımarat endi №17 “Ajar” balalar baqshasy dep atalmaqshy. Munda búdir­shin­der úshin barlyq jaǵdaı jasal­ǵan. Arnaıy jabdyqtalǵan ból­meler, kabınetter bar. Qalalyq oqý bóliminiń má­li­me­tinshe, kezinde oblys ortaly­ǵyn­daǵy jekemenshik qurylym­dar­ǵa, mekemelerge satylyp ket­ken balabaqshalardy qaıtadan memleketke qaıtarý úshin jos­par-jobalar jasalýda kórinedi. О́ıtkeni, bul kúnderi oblys ortalyǵynda balabaqsha kezegin kútken 9 myń sábı úılerinde otyrsa kerek. Farıda BYQAI, Pavlodar. ...jylý júıesine kóshirildi Qarmaqshy aýdanynyń Aqaı aýylyndaǵy 320 oryndyq 3 qabatty mektep ǵımaraty osydan eki jyl buryn paıdalanýǵa be­ril­gen edi. Mektep kómirmen jy­ly­týǵa negizdelgen bolatyn. Endi, mine, oqý ordasynyń jylý qazandyǵy suıyq otyn tutyna­tyn júıege kóshti. Qazyna qor­jy­nynan bólingen 3,5 mln. teńge qarjyny “Baıǵasyr ınjını­rıng” jaýapkershiligi shekteýli se­riktestigi qysqa merzimde ıge­rip, muǵalimder men oqýshylardy qýanyshqa bóledi. Aıta ketý kerek, mamandar qystyń kúni qytymyr bolaty­nyn eskerip, kómirmen jylytýǵa negizdelgen júıeni buzbastan, qosymsha shaǵyn elektr stansa­syn ornatyp berdi. Búginde mek­tep ǵımaratynyń jylýy oıdaǵydaı. Erkin Ábil, Qyzylorda oblysy, Qarmaqshy aýdany.