Qaıǵyly oqıǵa anyqtalýda

Elimizdiń Syrtqy ister mınıstrligi ústimizdegi jyl­dyń 1 qazanynda Avstra­lııa­nyń Brısben qalasynda qaza bolǵan Sa­ǵynaı Ba­tyr­ha­no­va­nyń otba­sy­nyń qaıǵy­la­ry­na ortaq. Bul jó­nin­de osy vedomstvonyń resmı ókili Asqar Abdrahmanov keshe bu­qaralyq aqparat qu­ral­dary ókilderine arnaıy brıfıng ótki­zip, osy má­seleniń mán-jaıyn aıtyp berdi. 1989 jyly týǵan Sa­ǵy­naı Ba­tyrhanova Grıffıt ýnıver­sı­te­tiniń 1-shi kýr­syn­da oqyǵany belgili bo­lyp otyr. Qazaqstan azamat­shasyn pyshaqtap óltirdi degen kúdikti polısııa tara­py­nan tutqyndalyp, ol óziniń ki­násyn moıyndaǵanǵa uq­saı­dy. Ústimiz­degi jyldyń 3 qazanynda aıyp­tyǵa qarsy qylmystyq isti tyń­daý oryn alǵan. Sot S.Ba­tyr­hanovamen birge turyp kelgen Taıland azamatty­ǵyn­daǵy kú­diktini tergeý amaldary bary­synda ony kem degende 5 jel­toq­sanǵa deıin qamaýǵa alý týraly úkim shyǵarǵan. Osy oraıda polısııa birge turyp jatqandarǵa otbasyndaǵy zor­lyq-zom­by­lyq jasaý oqıǵa­sy­na baıla­nys­ty eskertý de jasaǵan kórinedi. Ot­basyn­da­ǵy janjal osyndaı qaı­ǵy­ly oqıǵaǵa dýshar etip otyr. Saǵynaı Batyrhanova men aıyptynyń ortaq úsh aılyq ná­reste uly bar bolsa, qazir ol Avstralııanyń áleýmettik qyz­me­tiniń qam­qor­lyǵyna alynǵan. Resmı ókil osy rette Qazaq­stan­nyń Syrtqy ister mınıstrligi jáne memleketimizge Avstralııada qosymsha túrde ókil­dik etetin Sıngapýrdaǵy elshiligimiz polısııamen udaıy baılanysta ekendigin jetkizdi. Sondaı-aq elshilik prak­tı­kalyq jáne quqyqtyq sha­ralardy atqarýda. Otandas­tary­myzdyń múddelerin qor­ǵaý maq­satynda Qazaq­stan konsýly 3 qa­zanda Av­stralııaǵa baryp, bir­qa­tar máselelerdi sheshýmen, sonyń ishinde Saǵynaı Batyr­ha­no­va­nyń máıi­tin Otanyna jiberý, azamat­tyq­ nekede týyl­ǵan sábıdiń qu­qyq­tyq márte­besin anyqtaý má­se­lelerimen aınalysýda, dedi Asqar Abdrahmanov. Sondaı-aq, eli­mizdiń syrtqy saıasat vedom­stvo­sy Avstralııanyń Qa­zaq­stan­da qosymsha tirkelgen Más­keý­degi elshiligine osy iske to­lyq­qandy tergeý júrgizý jáne qaza bolǵan aza­matshamyzdyń týys­qan­dary­nyń quqyqtaryn qor­­ǵaý­da qajetti qolǵabys kórsetý týraly dıplomatııalyq nota jibergen. «Egemen-aqparat».