Yntymaqtastyq jaıy talqylandy

Syrtqy ister mınıstri E.Qa­zyhanov keshe Eýropalyq Ko­­mıssııanyń Energetıka má­se­lesi jónindegi ókili G.Ottıngerdi qabyldady. Kezdesý ba­ry­synda Prezıdent N.Nazar­baev­tyń ótken jyly Eýropa oda­ǵy­nyń shtab-páterine sa­pa­ry barysynda qol jetkizilgen ýaǵ­dalastyqtardyń júzege asýy barysy talqylandy. Elimizdiń syrtqy saıasat ve­dom­stvosynyń basshysy qazirgi tańda Qazaqstan men Eýropa odaǵy arasynda tyǵyz qarym-qa­tynas ornap otyrǵandyǵyn erekshe atap ketti. Mınıstr óz sózin­de bylaı dedi: «Biz eýropalyq árip­testerimizben yntymaqtas­tyq­ty ulǵaıtýǵa asa mańyz berip, erekshe kóńil bólip otyrmyz. Al joǵary deńgeıdegi ekijaqty kezdesýler soǵan kórnekti úlgi bolyp tabylady». Osy rette Erjan Hozeuly 1999 jylǵy Áriptestik jáne yn­ty­maqtastyq týraly ke­li­sim­niń ornyna jańa Qa­zaq­stan men Eýroodaq ara­syn­daǵy keńeıtilgen áriptestik pen yntymaqtastyq týraly kelisimdi ázirlep, qol qoıý basymdyqty másele ekendigin basa aıtty. О́ıtkeni, ara­daǵy saýda-ekonomıkalyq qa­tynastar erekshe ekpinmen damýda. 2011 jyldyń jar­ty­jyldyq kórsetkishi boı­yn­sha taýar aınalymy 25,4 mıllıard AQSh dollaryna jetken. Al bul kórsetkish ót­ken jyly osy merzim ishinde 18,6 mıllıard AQSh dol­la­ry kóleminde bolatyn. Kezdesý barysynda Eý­ro­odaq memleketteri tarapy­nan tartylǵan tikeleı ınvestısııa barysy da áńgime ózegine aınaldy. 1993-2010 jyldar arasynda Eýroodaq elderinen tartylǵan tikeleı ınvestısııa kólemi 50 mıllıard AQSh dollaryn qu­ra­sa, sonyń ishinde tek byl­tyrǵysynyń ózi 10 mıl­lıard­qa jetipti. Árıne sol tartylǵan qomaqty qarjy­nyń basym bóligi energetıka salasyna baǵyshtalǵan. О́zi­niń bul sapary barysynda Premer-Mınıstrmen jáne birqatar mınıstrlermen kezdesýi bolǵandyǵymen bólis­ken Gıýnter Ottınger eý­ro­pa­lyq kompanııalarmen mu­naı óndirý, jańa ken oryn­darynda birlese jumys isteý sııaqty yntymaqtastyqty te­reńdetý máselesi talqy­lan­ǵanyn aıtty. Son­daı-aq, energııa tıimdiligi, ıadrolyq otyn qaýipsizdigi, qalpyna keltiriletin energııa kózderi men kógildir otyn máselesi de áńgime ózegine aınalǵan. Qazaqstandyq shıkizatty Eýropa rynogyna jetkizý, energııa tasymalyndaǵy ın­fra­qurylymdy damytý, shıkizat óndirýdegi jańa teh­nı­kalyq jetistikter men teh­no­logııalardy paıdalaný, osy salaǵa ózara tıimdi bola­tyn­daı ınvestısııa tartý jáne ózge de máseleler keńinen sóz boldy. Mınıstr Eýro­odaqpen ekologııa salasyn­da­ǵy yntymaqtastyqty erek­she aıta kelip, Ortalyq Azııa men Kaspııdi qorshaǵan ortany qorǵaý boıynsha jańa tehnologııalardy qosý isine eýropalyq kompanııalar aıtarlyqtaı septigin tıgizetindigin sóz etti. Budan basqa mınıstr elimiz ta­ra­pynan qabyldanǵan údemeli ın­dýstrııalyq-ınnovasııa­lyq baǵdarlamanyń negizgi erejelerimen tanystyryp, sonyń ishinde munaı-gaz sa­la­syna qatysty jobalardyń da bar ekendiginen habardar etti. Asqar TURAPBAIULY.