Jańa keshendi modýl

Ata-babalarymyz san ǵa­syr­lar boıy armandaǵan Táý­el­sizdigimizge qol jetkizgenimizge bıyl 20 jyl tolǵaly otyr. Sonaý 1992 jyly Qa­zaq­stan Respýblıkasynyń Tuń­ǵysh Prezıdenti Nursultan Na­zar­baev­tyń Jarlyǵymen qu­ryl­ǵan UQK Shekara qyzmeti osy jyldar aralyǵynda bıik belesterdi baǵyndyrdy. Solar­dyń bastylaryna toqtalar bol­saq, 2000-shy jyldardyń bas kezinde elimizdiń endikteri boıynsha birneshe óńirlik bas­qarma qurylyp, jańadan ashyl­ǵan shekara otrıadtary men shekara zastavalary az ýaqyt ishinde qalyptasý kezeńin basynan ótkerdi. Sodan beri jańa ortaǵa beıimdelip úlgergen shekara­shy­lar atadan balaǵa mıras bolyp qalǵan ulan-ǵaıyr jerimizdi kózderiniń qarashyǵyndaı kúzetýde. Olardyń turmystyq jaǵdaılaryn oń sheshý máse­le­si Elbasynyń, Úkimettiń únemi nazarynda. Buryndary shekara shepterinde jańa zamanǵa laı­yqtalǵan shekara zastavalary ashylsa, endigi kezek Memlekettik shekara shebin ınjenerlik qurylǵylarmen qamtamasyz etý jumystarymen aınalysa­tyn ınjenerlerge de jetti. Mine, sonyń aıqyn dáleli, munan bylaı shekarashy ınjener-saperlar álemdik standart­qa saı jańa keshendi modýldi baspanamen qamtamasyz etiletin bolady. UQK Shekara qyz­me­tiniń dırektory, ge­neral-maıor N.Myr­zalıevtiń basta­ma­sy­men qolǵa alynǵan sha­ra. Osy sharany iske asyrý maqsa­tyn­da bıylǵy jyl­dyń ishinde UQK She­kara qyzmeti «Mo­dýl» keshendi-óndi­ris birlestigi» ak­sıo­nerlik qoǵamyna 150-ge jýyq modýldi baspana jasaýǵa tap­syrys bergen bo­la­tyn. Laıyqty ba­ǵa­syn berý kerek, atalmysh mekeme ózderine artylǵan senim údesi­nen shyǵa bildi. Nátıjesinde, kúni keshe UQK Shekara qyzmeti Ortalyq jóndeý zaýytyna keshendi jyljymaly modýlderdiń alǵashqy legi jetkizildi. Atal­mysh ortalyq zaýyttyń dırek­to­ry, polkovnık I.Doronkın qa­byl­dap alǵan jyljymaly modýlderde shekarashylardyń qyz­meti men turmys-tirshiligine qo­laı­ly jaǵdaılar tolyq jasal­ǵan. Atap aıtar bolsaq, osyǵan deıin dalalyq shatyrlardy ýa­qyt­sha baspana etip kelgen ın­je­ner­lerdiń bazasy 18 modýlden tu­ratyn keshenmen almasty­ryl­dy. Ár modýl ámbebap qyzmet atqarady. Máselen, bir modýlde ashana, as úı bolsa, munda tipti kishigirim naýbaıhana da bar, ekinshisi jatyn jaıǵa laıyqtalyp qurastyrylǵan. Úshinshisi aqpa­rat jáne tárbıe jumystary ból­mesiniń qyzmetin atqarady. Mu­nan ári, keńse, sheka­ra­shy­lardyń turmys jaǵdaıyna ar­nalǵan bólme bolyp jalǵasa beredi. Bir modýlde qalǵandaryn elektr­men qamtamasyz etetin dızeldi qu­ryl­ǵy ornatylǵan. Bir sózben aıtqanda, 18 modýlden tura­tyn jańa keshen jyldyń úsh mezgilin shekara shebinde ót­ki­zetin ınjenerler úshin tap­tyrmas bas­pa­naǵa aınalmaq. Sonymen, jyljymaly sý jańa keshender aldymen eli­miz­diń batystaǵy shekara shebine qaraı jol tartty. Sheka­ra­shy­lardy baspanaly etken «Modýl» keshendi-óndiris birlestigi» aksıonerlik qoǵamy­nyń teh­nıkalyq dırektory A.Tım­chenkonyń aıtýynsha, bú­gingi paıdalanýǵa berilgen jyljy­ma­ly keshender úlken istiń bas­tamasy, qalǵandary al­daǵy ýa­qytta tolyq daıar­lanyp bolǵan soń shekara shepterine jiberiledi. Qazaqstan Respýblıkasy Táýelsizdiginiń 20 jyldyǵy qarsańynda osy­naý aýqymdy joba sheka­ra­shylarǵa jasalǵan tamasha tartý boldy. Memlekettik shekara kúzeti­ne qajetti mundaı jobalar al­daǵy ýaqytta da jalǵasyn taba beredi. «Egemen-aqparat».