Bir mekemede eńbek etetin úsh jigit – Vıktor Volodın, Vladımır Baryshev pen Artýr Poletkın taza aýaǵa shyǵyp, saıahattaǵandy táýir kóretindikterin aıtady. «Atyń barda el tany jelip júrip» degendeı, Artýr 2007 jyly satyp alǵan «Moskvıchimen» buǵan deıin 200 myń shaqyrymǵa jýyq jerdi júrip ótipti.
«Árıne, eki jarym kún bizge ońaı soqqan joq. Rıdderden shyǵyp, Zyrıan men Úlken Naryndy basyp ótip, tań qylań bere Zaısandy betke aldyq. Zaısan kóliniń jaǵasymen 20 shaqyrym júrdik. Eshkiólmes pen Qıyn kerishti tamashalaǵannan keıin «Marqakól qaıdasyń?» dep Kúrshim óńirine qaraı tarttyq. Bárinen de bizge qıyn soqqany, kezinde Avstrııa tutqyndary salǵan Mramor joly boldy. Asýǵa shyǵý úshin jaman máshınemiz bir emes, birneshe ret toqtady. Teńiz deńgeıinen 1399 metr bıiktiktegi Mramor asýyna shyqqan kezdegi kórinis ǵajap eken. Qytaıdyń shekara jaq beti shól dala, áppaq qýdaı, bizdiń jaq jap-jasyl, jaıqalyp tur. Qysqasy, bul bir esten ketpes, tamasha sapar boldy. Shyraıly Shyǵysymyzdyń kórikti jerlerin aralap, keremet áser aldyq», - deıdi Vıktor Volodın.
Azamat Qasym,
«Egemen Qazaqstan»
Shyǵys Qazaqstan oblysy,
Rıdder qalasy
