«Taraz-2011» oqý-jattyǵý sharalary

«QazTransGaz» AQ óziniń qurylymdarynda Azamattyq qorǵanys jáne tótenshe jaǵdaılardyń aldyn alý maqsatyndaǵy sharalardy udaıy jáne júıeli júzege asyrady «QazTransGaz» AQ Taraz qala­syn­da­ǵy «QazTransGazAımaq» AQ baza­syn­da «Taraz-2011» komandalyq-shtabtyq oqý-jattyǵýlaryn ótkizedi. Bul oqý-jattyǵý sharalarynyń maqsaty Taraz qalasy sheń­berinde múmkin bolatyn tabıǵı apat­tar kezeńindegi tótenshe jaǵdaılarǵa baı­la­nysty adamdar men tehnıkalardy qut­qa­rý, apat saldarynyń aldyn alý jáne qal­pyna keltirý jumystaryn jú­zege asy­rý bolyp tabylady. Alda bolatyn bul oqý-jattyǵý oı­yndary úsh ssenarıı boıynsha damıdy dep kútilýde: 1) apatty zil-zala sal­da­rynan úsh qabatty ákimshilik ǵımaraty qulaıdy jáne órt oryn alady. Zardap shekkender bar, qulaǵan ǵımarattar as­tyn­da adamdar qalǵan, gazben jab­dyq­taý júıesi isten shyqqan; 2) apat sal­darynan jer astymen ótetin gaz taratý júıesiniń elektrmen dánekerlengen qo­syn­dysynan gaz syrtqa shyǵyp, órt sal­darynan jarylys qaýpi oryn alady. Apat saldarynan 315 jekemenshik úı jáne 7 kommýnaldyq-turmystyq kásip­oryn gazsyz qalǵan; 3) daýylǵa ulasqan qatty jel saldarynan aǵashtar qulap, úl­ken aǵash bórenesi taratý pýnktiniń shka­fynyń ústine qulap zaqymdanǵan. Osy­nyń saldarynan tómengi qysym­da­ǵy gaz qubyrynan syrtqa gaz shyǵý qaý­pi oryn alyp, 25 jekemenshik úıdi jáne 3 tórt qabatty kóp páterli úıdi gazben jab­dyqtaý júıesinen aıyrýǵa týra keldi. ­ Komandalyq-shtabtyq jattyǵýlar alty jarym saǵatqa sozylady. Osy ýa­qyt ishinde belgilengen ssenarıı boı­yn­sha ákimshilik ǵımarattaǵy adamdar­dy qutqarý jumysy júzege asyrylýǵa, zardap shekkenderge medısınalyq kó­mek kórsetilýge, gaz júıelerinde jáne qondyrǵylarynda oryn alǵan apatty jaǵdaılardy joıý jáne zalalsyz­dan­dy­rý, Taraz qalasyndaǵy turǵyn úılermen kommýnaldyq kásiporyndardy gazben qam­tamasyz etýdi qalpyna keltirý sha­ra­lary júzege asyrylýǵa tıis. Oqý-jattyǵý sharalary barysynda myna máselelerdi júzege asyrý josparlanýda: – tabıǵı apat oryn alǵan aımaqta apattyń aldyn alý jáne izdestirý-qut­qarý sharalaryn júrgizý kezinde barlyq qurylymdardyń naqty qyzmeti men uıymdastyrýshylyq jumystarynyń jalpy maqsatyn júzege asyrý; – tótenshe jaǵdaılar saldarla­ry­nyń aldyn alý sharalary boıynsha qyz­metkerlerdiń tájirıbelerin jetildirý, zardap shekkenderge birinshi kómek sharalaryn jasaý, qajet bolǵan ja­ǵ­daıda jetekshilerdiń tıisti sheshimder qabyldaýyn júzege asyrý; – dıspetcherlik qyzmettiń daıyn­dy­ǵyn, baılanys jáne turǵyndardy der kezinde habardar etý máselelerin uıym­dastyrý jaǵdaıyn tekserý; – zardap shekkenderdi qaýipti aımaq­tardan kóshirý jáne olardyń qalypty ómirge qajetti turmys jaǵdaılaryn ja­saý jáne taǵy basqa qajetti shara­lar­dy uıymdastyrý. Komandalyq-shtabtyq oqý-jattyǵý sharalaryna qutqarý jáne apattyń al­dyn alý jónindegi tehnıkalyq komandalar, «QazTransAımaq» AQ Jambyl fı­lıalynyń óndiristik qurylymdary qa­ty­sady. Sonymen birge, sharalarǵa Jam­byl oblystyq tótenshe jaǵdaılar depar­ta­men­tiniń «Jedel qutqarý otrıa­dy» MK, «Apattan qutqarý jumysy já­ne órtke qarsy sharalar qyzmeti» MM qatysady. 4 qazanda Jambyl oblysyndaǵy Amangeldi ken ornyndaǵy «AmangeldiGaz» JShS seriktes kásiporynnyń baza­syn­da «QazTransGaz» AQ Azamattyq qorǵanys kúshteri men quraldary jáne tótenshe jaǵdaılardyń aldyn alý jó­nindegi qutqarý jáne basqa jumys qu­rylymdarynyń qatysýymen komanda­lyq-shtabtyq oqý-jattyǵý sharalaryn ótkizdi. Bul sharanyń basty maqsaty «QazTransGaz» AQ kompanııalar tobyna qarasty qurylymdardyń Azamattyq qor­ǵanys jáne tótenshe jaǵdaılar sha­ralary boıynsha tıimdi birlesken ju­mysyn júzege asyrý bolyp tabylady. Oqý-jattyǵý uıymdarynyń maqsaty apatty jaǵdaılar jáne tehnogendik úde­rister isten shyqqan kezde qutqarý jáne apattyń aldyn alý qurylym­da­ry­nyń jumysyn tıimdi de yqpaldy uı­ymdastyrý bolyp tabylady. Oqý-jat­tyǵý «Amangeldi» ken ornynyń keshendi gaz qondyrǵysy ornalasqan №101 uń­ǵymasy aımaǵyndaǵy uńǵy ma­ńaı­yn­da ótkiziledi. Oqý-jattyǵý oıyndaryna «Qaz­Mu­naıGaz» UK» AQ-nyń, «QazTransGaz» AQ-nyń jáne osy aksıonerlik qoǵam­dar­dyń seriktes kompanııalarynyń jetekshileri men qyzmetkerleri, sonymen birge «AmangeldiGaz» JShS-nyń Aza­mat­tyq qorǵanys qurylymdarynyń bas­­shylary men qyzmetkerleri qaty­sty. «QazTransGaz» AQ Qazaqstan gazyn taratý, tasymaldaý, ıgerý jáne gaz ken oryndaryn anyqtaý júıeleriniń aktıvterine korporatıvtik basqarý júrgizý maqsatynda gaz salasyna júıeli jetekshilik jumys júrgizý úshin 2000 jyly qurylǵan bolatyn. «QazTransGaz» Qa­zaq­stannyń «QazMunaıGaz» ulttyq mu­naı-gaz kompanııasynyń quramyna kiredi. Al «AmangeldiGaz» JShS 2003 jy­ly Biryńǵaı Qatysýshy – «Qaz­Trans­Gaz» AQ-nyń Jambyl oblysynyń ke­li­sim-sharttyq aýmaǵynda munaı oper­a­sııa­laryn júrgizý maqsatynda osy aksıonerlik qoǵamnyń atynan jáne onyń tapsyrmalaryn oryndaý maqsatynda qurylǵan bolatyn. Sol 2003 jyldan bastap «Amangeldi» ken ornyndaǵy gaz kondensatyn paıdalaný jáne Amangeldi ken ornyndaǵy gaz kenin anyqtaý tobynyń ken oryndaryn izdeý, ıgerý jáne ony paıdalanýǵa berý jumys­ta­rymen aınalysady. Jylqybaı JAǴYPARULY.