Ádep jónindegi ýákildiń utymdy jumystary

О́tken jyly, Ádep jó­nindegi ýákildiń jeke qa­byl­daýyna jergilikti at­qa­rý­shy organdardan 16 azamat kelgen bolsa, osy jyl­dyń 5 aıynda 17 azamat qa­byl­dan­ǵan. Azamattardyń basym kópshiligi memlekettik qyz­met salasyndaǵy zańnamaǵa tú­sindirme suraǵan. Árıne, ýá­kildiń jumysy tek zań­na­maǵa túsindirme berýmen she­k­telmeıdi. О́tken jyly, aý­maqtyq departamenttiń bergen usynysy negizinde Ádep jónindegi ýákilmen tı­isti jumystar júrgizilip, Mańǵystaý oblysynyń vete­rınarııa basqarmasyn­daǵy qyz­metkerlerdiń arasyn­daǵy ahýaldyń odan ári shıe­lenisýine jol berilmedi. Sonymen birge, ýákildiń usy­nysy negizinde atalǵan bas­qarmanyń basshysy men jaýapty qyzmetshileri ádep kodeksi talaptarynyń buzy­lý­yna jol bergeni úshin tár­tip­tik jazaǵa tartyldy.
Beıneý aýdanynyń bir mem­lekettik qyzmetshisi ke­shendi attestattaý barysynda, jeke quzyretterin anyqtaıtyn testileýden ótkennen keıin, onyń nátıjesine kóńili tolmaı, testileý nátıjesin jyrtyp tastap, memlekettik qyz­met­shige tán emes qylyqtar kór­­setken. Bul derek aýmaqtyq departamenttiń ǵımaratynda oryn alǵandyqtan, nazardan tys qaldyrylmaı, tıisti akti jasaqtaldy. Sonymen birge, Ádep jónindegi ýákildiń atyna shara qabyldaý úshin usynys en­gi­zildi.
Atalǵan usynys Ádep jó­nindegi ýákildiń Beıneý aý­danyna barýyna jáne mem­le­kettik qyzmetshige jat qy­lyq­tardyń aldyn alý boıynsha túsindirme jumystaryn júr­gi­zýine negiz boldy. Memlekettik qyz­met­shi­ler­diń arasynda bolyp jatatyn qo­ǵamǵa jat qylyqtar ortalyq mem­lekettik organdardyń aý­maq­tyq bólimshelerinde de kez­desedi. О́tken 5 aıdyń ishin­­­­de aýmaqtyq departament ortalyq memlekettik or­­gan­­­­dardyń Ádep jónindegi ýá­kilderine birneshe usynys­tar joldady. Mysaly, bıyl­ǵy jyldyń naýryz aıynda Mańǵystaý oblystyq orman sharýashylyǵy jáne janýarlar dúnıesi aý­maqtyq ınspeksııasynyń qyz­met­shileri arasynda bir-birine dó­re­kilik kórsetý derekteri oryn alǵan. Nátıjesinde, quqy buzylǵan qyzmetshiler aý­maqtyq departamentke sha­ǵym­danyp, tıisti tekserý ju­mys­tary uıymdastyryldy. Sha­ǵymda kórsetilgen derekter tek­serý barysynda dáleldenip, Qazaqstan Respýblıkasy Aýyl sharýashylyǵy mınıstrliginiń Ádep jónindegi ýákiline qa­jet­ti sharalar qarastyrý úshin usy­nys engizildi. Osy usynys ne­gi­zinde, mınıstrliktiń Ádep jó­nindegi ýákili aýmaqtyq ıns­peksııanyń ujymymen kez­desý uıymdastyryp, ádep nor­malarynyń buzylýyna jol bergeni úshin ınspeksııa bas­shysynyń orynbasaryna «sógis» túrinde tártiptik jaza berdi. 
Jaqynda Ádep jónindegi ýákilderdiń jumysyn retteıtin Qazaqstan Respýblıkasy Prezıdentiniń Jarlyǵyna óz­gerister men tolyqtyrýlar en­gizildi. О́zgeristerge sáıkes, Ádep jónindegi ýákildiń laýazymy Memlekettik saıası jáne ákimshilik qyzmetshiler laýazymdarynyń tizilimine engizildi. Endigi jerde, ádep jó­nindegi ýákildiń fýnksııasy basqa laýazymdaǵy qyzmetshige qosymsha júktelmeı, derbes qyzmetshi atqaratyn bolady. Bul ózgeris ádep jónindegi ýákilderdiń jumysyna jańa qarqyn bereri sózsiz.
Endeshe, tizilimge jańadan engizilgen laýazym ıeleriniń jumysyna tek sáttilik ti­leı­ik.

Erlegen MENDALIEV,
Memlekettik qyzmet isteri jáne sybaılas jemqorlyqqa 
qarsy is-qımyl agenttiginiń Mańǵystaý oblysy 
boıynsha departamenti basshysynyń mindetin atqarýshy