Máselen 2016 jyly óńirlik jalpy ónim 2,6 paıyz nemese 10,3 trln teńge bolsa, bıyl 6 aı ishinde ekonomıkanyń barlyq salalarynda ósim bary baıqalady: bólshek saýda 6,8 paıyzǵa, kóterme saýda 0,7 paıyzǵa, ónerkásip 4,7 paıyzǵa, qurylys 0,7 paıyzǵa, baılanys 4,9 paıyzǵa, aýylsharýashylyǵy 62,8 paıyzǵa artqan. Turǵyn úı salý 15,6 paıyzǵa, ınvestısııa kólemi 235,7 mlrd teńgege ósip, 12,2 paıyzǵa ulǵaıǵan. Qala boıynsha ınflıasııa kórsetkishi 3,6 paıyz, respýblıkada 3,7 paıyzǵa jetken.
Qalada jumys isteıtin shaǵyn jáne orta bıznestiń sýbektiler sany 171,5 myń jáne olardyń qatary ótken jylmen salystyrǵanda 5 paıyzǵa ósken. Qalada salyq túsimi de molaıǵan. Respýblıkalyq bıýdjetke 645,2 mlrd. teńge túsken, bul ótken jyldyń osy kezeńimen salystyrǵanda 9 paıyzǵa (51,1 mlrd. teńge) kóp. Jergilikti bıýdjetke 184,2 mlrd. teńge salyq quıylǵan, 9 paıyzǵa (15,2 mlrd. teńge) kóp. Turaqtylyq jaǵdaıynda qalada jyl aıaǵyna deıin ósim deńgeıiniń artady dep kútilýde.
Jalpy, 2017 jylǵy qala bıýdjeti 542,4 mlrd teńgeni quraıdy. О́tken jyly únemdeýdiń arqasynda jergilikti bıýdjet 33 mlrd teńgege nemese 50 paıyzǵa artty. О́tken jylmen salystyrǵanda joldardy jóndeý men qurylys salýǵa 2,8 ese, al ınjenerlik jelilerge 1,9 ese, abattandyrýǵa 2,7 ese kóp aqsha bólingen.
Aınash ESALI,
«Egemen Qazaqstan».
ALMATY
