Kalıfornııadaǵy Fresno qalasynda Zıka vırýsynyń taratýshysy sanalatyn Aedes aegypti masasy keń taraǵan. Bul sol qaladaǵy turǵyndarǵa úlken qaýip týdyrýda. Osy qaýiptiń aldyn alý úshin Google atalǵan masanyń atalyqtaryna Volbahııa bakterııasyn qolmen juqtyrý ádisin usynýda. Zerthanadan bosap ushqan atalyqtar analyq masamen shaǵylysý arqyly álgi bakterııany olarǵa da juqtyryp, uryqsyz qaldyrady. Osylaısha adamdarǵa qaýip tóndirýshi masanyń taralymy birte-birte azaımaq.
Volbahııa tuqymdasyndaǵy masalar adamdar úshin qaýipsiz. Sonymen qatar, Aedes aegypti masalarynyń atalyqtary adamdardy shaqpaıdy. Sol sebepti, olardy sheksiz kólemde ushyra berýge bolady.
Eger joba maquldanǵan jaǵdaıda, jabıǵı tabıǵatqa aptasyna 1 mıllıon masa jıyrma apta boıy jiberilip otyrady. Masalardy ushyrý aımaǵy Fresno aımaǵyndaǵy 120 gektar jer.
Jobany Google ónimderin basqaratyn Alphabet holdıngine qarasty Verily Life Sciences zertteý uıymy júrgizbek.
