Qazirgi tańda Kaspıı jaǵalaýyndaǵy elder ózara yntymaqtastyq júrgizip otyr. Túrkııa jáne Mańǵystaý oblysynyń taýar aınalymy 2017 jyldyń birinshi jartyjyldyǵynda 25,4 mln. AQSh dollaryn qurady, ol 2016 jylmen salystyrǵanda 2,6 esege artyq.
Investorlarmen usynylǵan jobanyń bolashaǵy zor, óıtkeni «Bıbı Enerdjı» kompanııasy Mańǵystaý oblysynyń aımaǵynda bıtýmdy óńdeýmen aınalysatyn bolady. Investısııa somasy 120 mln. AQSh dollary. Bul qurylys barysynda 200 jańa jumys ornyn jáne iske qosylǵan kezinde 160 oryn ashýǵa múmkindik beredi. Investorlarǵa usynylǵan jer «Aqtaý teńiz porty» arnaıy ekonomıkalyq aımaǵynyń aýmaǵynda ornalasqan, delingen baspasóz habarlamasynda.
Mańǵystaý oblysy ákimdigi men «Bıbı Enerdjı», «Enervo Enerdjı», «Kassanov Investment Grýpp» arasyndaǵy tórtjaqty yntymaqtastyq týraly memorandýmǵa qol qoıyldy.
Kezdesýde aımaqtyń ınvestısııalyq áleýeti tanystyryldy. «Bıbı Enerdjı» kompanııasy elektr energııasyn satý jáne saýda, logıstıka salalarynda úlken tájirıbesi bar álemdik jetekshi, táýelsiz kompanııalardyń qataryna kiredi. Kompanııa jyl saıyn 17 mln. metrıkalyq tonna shıki munaı jáne onyń ónimderin satýda.
- Búgingi kezdesý bizdiń yntymaqtastyqqa jańa serpin beretin bolady, óıtkeni bizdiń aımaq jańa qyzmet salasyn jáne jańa jobalardy ashýǵa múmkindik beredi, degen aımaq basshysy E. Toǵjanov oblys ákimdigi kez kelgen birlesken bastamalarǵa jáne ınvestısııany qorǵaý máselesinde de qoldaý kórsetýge daıyn ekendigin aıtty.
Gúlaıym Shyntemirqyzy,
«Egemen Qazaqstan».
Mańǵystaý oblysy
