– Elbasy «Qazaqstan 2050 jylǵa qaraı óziniń óndiristik aktıvterin eń jańa tehnologııalyq standarttarǵa sáıkes tolyqtaı jańartýy tıis» degen úlken jaýapty mindet júktegen bolatyn. Sondyqtan, búginde ekonomıkamyzdy ındýstrııalandyrý máselesine basa nazar aýdarylýda. Búgingi kún Talas aýdanynyń áleýmettik-ekonomıkalyq ómirindegi aıtýly kún. О́ıtkeni, aýdanda jańa ınvestısııalyq joba iske qosylyp otyr, – dedi ákim.
Joba 2015-2019 jyldarǵa arnalǵan Qazaqstan Respýblıkasynyń ındýstrıaldy-ınnovasııalyq damý memlekettik baǵdarlamasy aıasynda júzege asyryldy. Atalmysh jobanyń quny 1946,0 mıllıon teńgeni quraıdy. Jobanyń jyldyq qýattylyǵy 110 myń tonna. Qazirgi tańda zaýytta 68 jańa jumys oryndary ashylyp otyr. Búginde zaýytqa ıtalıandyq qural-jabdyqtar ornatylyp, karer tolyqtaı geologııalyq zertteýden ótkizilgen. Zaýyt aǵymdaǵy jyldyń qańtar-maýsym aılaryna 14357,0 tonna mármár untaǵyn jáne 511,0 tonna mármár úgindisin óndirip, jalpy ónim kólemi 105,5 mıllıon teńgeni quraǵan.
Aıta keteıik, 2015-2019 jyldarǵa arnalǵan ındýstrıaldy-ınnovasııalyq memlekettik baǵdarlamasyna sáıkes, aǵymdaǵy jyly oblysta quny 15,4 mıllıard teńgeni quraıtyn 12 ınvestısııalyq joba iske asyrylýda. Osy jobalar aıasynda keleshekte 1400 jańa jumys oryndaryn ashý josparlanyp otyr.
Hamıt Esaman,
«Egemen Qazaqstan»
Jambyl oblysy
