Qazaqstan • 22 Shilde, 2017

Birneshe óńirde burshaq jaýýy múmkin

690 ret

kórsetildi

1 mın

oqý úshin

Atmosferalyq fronttardyń ótýine baılanysty búgin elimizdiń basym bóliginde qubylmaly aýa raıy saqtalady, keı jerlerde jańbyr jaýyp, naızaǵaı oınaıdy, daýyl turyp, burshaq jaýýy múmkin. Soltústikte túnde jáne tańerteń tuman bolady. Respýblıkanyń batysynda, ońtústik batysynda, ońtústiginde jáne ońtústik-shyǵysynda jaýyn-shashynsyz kún raıy saqtalady, dep habarlaıdy «Qazgıdromet» RMK.

Egemen Qazaqstan

Qaraǵandy, Qostanaı, kúndiz Aqmola oblystarynda jel 15-20 m/s kúsheıip, burshaq jaýady, daýyl turýy múmkin.

Pavlodar, kúndiz Soltústik Qazaqstan oblystarynda keı jerlerde jeldiń kúshi 15-20 m/s jetip, burshaq, daýyl bolýy múmkin, túnde jáne tańerteń tuman kútiledi.

Shyǵys Qazaqstan oblysynyń keı aýmaqtarynda jeldiń ekpini 15-20 m/s kúsheıip, kúndiz daýyl turyp, burshaq jaýýy múmkin.

Qyzylorda oblysynda kúndiz jeldiń kúshi 15-20 m/s artyp, shańdy daýyl kóterilýi yqtımal.

Ońtústik Qazaqstan, Aqtóbe, kúndiz Jambyl oblystarynyń keı jerlerinde jeldiń jyldamdyǵy 15-20 m/s artatyny boljanady.

Kúndiz Almaty, Kyzylorda, Mańǵystaý, Atyraý, Aqtóbe, keı jerlerde Qostanaı, Jambyl, Qaraǵandy oblystarynda qatty ystyq kútiledi. Sondaı-aq Qyzylorda, Ońtústik Qazaqstan, keı jerlerde Batys Qazaqstan, Aqtóbe, Qaraǵandy, Qostanaı, Atyraý, Jambyl, Almaty oblystarynda joǵary órt qaýpi saqtalady.