Mádenı qoıylymdarmen bastalǵan sharada – japonnyń dástúrli mýzyka sheberi Hıdekı Togı, ulttyq úrmeli jáne ishekti aspaptar oryndaýshylary ónerlerin ortaǵa saldy. Sodan keıin «Osaka Parad» sherýi ótti. Sahna tórinde japondyq mýzyka sheberleri ulttyq aspaptarda oınap, jurtshylyqty tamsandyrdy.
Merekeniń resmı bóliginde Investısııalar jáne damý mınıstri Jeńis Qasymbek Japonııanyń energetıkalyq tıimdilik jaǵynan ozyq on eldiń qataryna kiretinin erekshe atady. «Kúnshyǵys eli Qazaqstannyń iri ınvestory bolyp sanalady. Sońǵy 12 jyldyń ishinde bul memleket elimizdiń ekonomıkasyna 5,5 mlrd AQSh dollaryn quıǵan. Qazirgi kezde mashına jasaý, taý-ken, agroónerkásip, kólik-logıstıka jáne taǵy basqa salalarda jalpy somasy 1 mlrd dollardan asatyn 10 iri joba qolǵa alyndy. Bul áriptestik áli de kúsheıe túsedi dep senemin. Qazaqstannyń baı shıkizat qory men Japonııanyń texnologııalary – ekijaqty tyǵyz yntymaqtastyqtyń negizi», dedi Jeńis Maxmuduly.
Japonııanyń О́ndiris, saýda jáne ekonomıka mınıstri Hırosıge Seko pavılondaryn «Bolashaq energııasy» taqyrybyna saı jasaqtaýǵa tyrysqandaryn aıtty. «Ol jerde balamaly energııa jáne energııa únemdeý salasyndaǵy texnologııalarmen, tájirıbemen tanysýǵa bolady. Negizi, Japonııa EKSPO-2017 kórmesine qatysýǵa birden kelisken. Sebebi, ondaı sharalar «jasyl» ekonomıkaǵa kóshý tájirıbesimen almasýǵa taptyrmaıtyn alań bola alady», dedi Japonııa ókili.
Merekelik sharalar ulttyq pavılonda jalǵasty. Ondaǵy ınteraktıvti shoý-baǵdarlama tolyǵymen qazaq tilinde ázirlengen. Kelýshilerge barynsha túsinikti bolý úshin ekspozısııalardy úsh zalǵa bólip qoıǵan. Birinshi zalda kórermen arnaıy mobıldi qosymshany júktep, pavılonmen tanyssa, ekinshi zal kınoteatr úlgisinde jasaqtalǵan. Ol jerde japon jigiti balamaly energııanyń mańyzdylyǵyn qazaq tilinde túsindiredi. Úshinshi zalda osy saladaǵy texnologııalarmen tanysýǵa múmkindik bar. Pavılonda qonaqtardy qarsy alyp júrgen japon qyzdary da qazaq tilin úırenip alǵan. Osynda uıymdastyrylǵan merekelik sharada japondyqtar ózderiniń ulttyq bıimen qatar, qazaqtyń «Qara jorǵasyn» bıledi.
Japonııanyń Osaka qalasy 2025 jyly EKSPO kórmesin ótkizýge úmitker. Pavılonda osy qalany tanystyrýǵa arnalǵan alań da bar. Onda Kúnshyǵys eli men Osaka qalasy týraly aqparat pen sýretter nazarǵa usynylǵan. Stendtiń janynda sýretke túsip, áleýmettik jelige salǵandarǵa syılyqtar taratylýda.
