Foto: Oqý-aǵartý mınıstrligi
Jobany keń kólemde engizý týraly sheshim Almaty oblysy Talǵar aýdanynda júrgizilgen pılottyq kezeńniń oń nátıjelerinen keıin qabyldandy. Ol jerde júrgizilgen monıtorıng oqýshylar arasyndaǵy býllıng pen quqyq buzýshylyqtyń aıtarlyqtaı azaıǵanyn kórsetti.
Búginde joba elimizdiń birqatar óńirinde keńinen júzege asyrylyp jatyr. Atap aıtqanda, Shymkent qalasynda – 100-ge jýyq, Qaraǵandy oblysynda – 190-nan astam, Pavlodar oblysynda – shamamen 110 bilim berý uıymy qamtylǵan. Sabaqtardy ótkizýge quqyq qorǵaý organdarynda tájirıbesi bar 600-den astam tálimger tartylǵan. Josparǵa sáıkes, mundaı sabaqtar eki aptada keminde bir ret ótkizilip otyrady.
Pılottyq joba Talǵar aýdanyndaǵy 10 mektep pen 3 kolledjde iske asyrylyp, 9 000-nan astam oqýshy qamtyldy. Nátıjesinde býllıng pen kıberbýllıng jaǵdaılary 18%-ǵa tómendegen, al minez-qulyq táýekeli tómen oqýshylardyń úlesi 31,9%-ǵa artqan. Sonymen qatar erekshe nazardy qajet etetin jasóspirimder sany 30%-ǵa qysqarǵan.
Jobanyń basty maqsaty – oqýshylardyń quqyqtyq mádenıetin qalyptastyrý jáne quqyq buzýshylyqtyń aldyn alý. Osy arqyly bilim alýshylardyń zańǵa qurmetpen qaraýy, jaýapkershiligi men tártip daǵdylary nyǵaıa túsedi.
«Qazaqstan balalary» tujyrymdamasy aıasynda júzege asyrylyp jatqan bul bastama aldaǵy ýaqytta el kóleminde kezeń-kezeńimen engizilmek. Nátıjesinde balalarǵa qatysty zorlyq-zombylyqtyń aldyn alýdyń biryńǵaı júıesi qalyptasyp, quqyqtyq mádenıet deńgeıi artady.
Balabaqsha men kolledjderde daý-damaıdy retteıtin medıasııa qyzmetteri qurylady
