TheVerge basylymynyń habarlaýynsha, bul shara ofıs-qyzmetkerleriniń ómirin jeńildetý úshin oılap tabylǵan. Endigi olar qolyn bir sermeý arqyly ofıstegi barlyq esikterdi ashyp, túski asyn alyp, prınterden qaǵazdaryn basyp shyǵara alady.
Kompanııa basshysy Todd Ýestbıdiń aıtýy boıynsha, AQSh-ta bul tehnologııany alǵash bolyp qoldanýǵa Three Square Market sheshim qabyldady. О́lshemi kúrish dánimen birdeı mıkrochıpti bas barmaq pen suq saýsaq arasyna ornalastyrady. Chıpteýge qyzmetkerler óz erkimen ǵana qatysýda. Three Square Market vıse-prezıdenti Tonı Dannanyń paıymdaýynsha, 85 qyzmetkerdiń 50-i kelisim beripti.
Al shvedtik Epicenter kompanııasynda 150 kıborg-qyzmetker jumys isteýde. Olar ólshemi 2 santımetr NFS-chıpterin qondyryp alǵan. Bul mıkrochıpterdiń artyqshylyǵy – jumys barysynda kómektesýmen qatar, adamnyń densaýlyǵy jaıly medısınalyq aqparattar jınaıdy. Ol ıesiniń qaıda baratynyn jáne qandaı taǵam qabyldaıtynyn eskerip otyrady.
Kompanııa qyzmetkerleri men basshylarynyń aıtýynsha, mıkrochıp ornatqannan keıin plastıkalyq kartalar men kiltterdiń esh qajettiligi bolmaı qaldy. Al «chıptelgen» qyzmetkerler ázirge chıp ornatpaǵan áriptesterin jańa úrdiske qosylýǵa shaqyrýda.
