Spıkerdiń aıtýynsha, eseptik kezeńniń qorytyndylary boıynsha Qazaqstan aýmaǵynda jalpy quny 64,5 mlrd teńgeniń júk tehnıkasy men avtobýs tehnıkasyn qosa alǵanda 8 768 avtokólik quraly óndirilgen.
«О́nim kóleminiń zattaı kórinisi ótken jyldyń kórsetkishinen 3,6 ese asyp tústi. Jeńil avtokólikter óndirisi 7 779 birlikke jetip, 5,3 ese ulǵaıdy. Avtobýs tehnıkasyn shyǵarý (313 birlik) 2017 jyldyń qańtar-maýsym aılary qorytyndylary boıynsha bir jyl burynǵy kórsetkishten 4,4 ese ulǵaıdy. Júk avtokólikteri óndirisi (487 birlik) 32,1% qysqardy», – dedi basqarma tóraǵasy.
Sondaı-aq spıker 2017 jyldyń maýsym aıynyń nátıjeleri boıynsha avtokólikter shyǵarý 1818 birlikti quraǵanyn, ol 2016 jylmen salystyrǵanda 2,5 ese óskenin tilge tıek etti.
«Otandyq avtozaýyttardyń ónim ótkerýi jyldyń basynan beri 7748 birlikti qurady, bul ótken jyldyń kórsetkishinen 57,5% joǵary. Qazavtoónerkásip kásiporyndarynyń naryqtyq úlesi ótken jyldyń uqsas kezeńindegi 21,8% salystyrǵanda 37% jetti. Bul rette maýsymda bul kórsetkish tarıhı maksımýmdy jańartyp, 46,9% qurady», – dedi ol.
«KazAvtoProm» Qazaqstandyq atomobıldi kásiporyndar odaǵy» ZTB basqarma tóraǵasy eseptik kezeńniń qorytyndylary boıynsha 831 avtokólik Qytaıǵa, Reseıge, Belarýsıaǵa jáne Tájikstanǵa eksporttalǵanyn jetkizdi. Sonymen qatar ol eksporttyq jetkizilimderdiń kóshbasshysy Lada brendi bolyp turǵanyn atap ótti.
Raýan QAIDAR,
«Egemen Qazaqstan»
