Bastapqyda rallımen jastyq qyzyǵýshylyqpen aınalysyp bastaǵan qos jigit – Kırıll Chernenkov pen Alekseı Mýn atalmysh saıysta 1-orynǵa qol jetkizip, jurtshylyqty tańǵaldyrdy. Budan on jyl buryn sporttyń osy túrimen shuǵyldanǵan jigitter óz qarajattaryna «Nıssan» avtokóligin satyp alyp, Mańǵystaýdyń oıly-qyrly jerlerinde, Senek, Ushtaǵan óńirlerindegi qumdarǵa jattyǵa bastaıdy. Ásirese, «Jibek joly» saıysyna daıyndyqty bir jyl boıy úzbeı atalmysh qumdarda ótkizedi. 14 kezeńde 9 myń shaqyrymdy júrip ótip, nebir tabıǵattyń tosyn minezderine tap bolǵan, qıyn jerlermen júrip ótken aqtaýlyq pılottar jeńimpaz bolǵandaryna alǵashynda ózge túgili, ózderi de senbegen. Aqtaýlyq 30 jastaǵy rallıshiler endi «Rallı Dakarǵa» qatysý úshin daıyndyqty bastap ketti.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
