Gúlshara Ábdiqalyqova elshilerdi Qazaqstandaǵy dıplomatııalyq mıssııalarynyń resmı túrde bastalýymen quttyqtap, olardyń qyzmeti elderimiz arasyndaǵy yntymaqtastyqtyń áleýetin arttyrýǵa yqpal etetinine senim bildirdi.
Memlekettik hatshy Ýrýgvaı Shyǵys Respýblıkasynyń elshisimen kezdesýde Ýrýgvaı Qazaqstannyń Latyn Amerıkadaǵy perspektıvaly seriktesteriniń biri bolyp sanalatynyn aıtyp, BUU Qaýipsizdik Keńesiniń 2017-2018 jyldardaǵy turaqty emes múshesin saılaý barysynda elimizge qoldaý kórsetkeni úshin rızashylyq bildirdi.
– Saýda-ekonomıkalyq yntymaqtastyq ekijaqty ózara is-qımyldyń qozǵaýshy kúshi bolýǵa tıis. Osyǵan baılanysty, taýar aınalymyn arttyrý jáne ózara ınvestısııa quıý isine nazar aýdara otyryp, iskerlik baılanystarymyzdy jandandyrý qajet, – dedi Gúlshara Ábdiqalyqova Kolýmbııa Respýblıkasynyń elshisimen kezdesýde.
Memlekettik hatshy Erıtreıa Memleketiniń elshisimen kezdesý barysynda Qazaqstan BUU Qaýipsizdik Keńesiniń turaqty emes múshesi retinde ózine Somalı men Erıtreıa jónindegi sanksııa komıteti tóraǵasynyń mindettemelerin alyp, Afrıka múıisi óńirinde jáne jalpy osy qurlyqta beıbitshiliktiń, turaqtylyqtyń jáne qaýipsizdiktiń ornaýyna yqpal etýge umtylatynyn atap ótti.
Gúlshara Ábdiqalyqova Fıdjı Respýblıkasynyń elshisimen áńgimelesýde týrızm salasy yntymaqtastyqtyń perspektıvaly baǵyttardyń biri bolyp sanalatynyna nazar aýdardy. Eki eldiń týrıstik vedomstvolary men kompanııalary arasyndaǵy tikeleı baılanystardy ornatý bul saladaǵy ózara is-qımyldy damytýǵa serpin beredi.
Memlekettik hatshy Laos Halyq Demokratııalyq Respýblıkasynyń elshisimen kezdesýde Qazaqstannyń syrtqy saıasatynda Ońtústik-Shyǵys Azııa elderimen ekonomıkalyq yntymaqtastyqty jandandyrýdyń zor mańyzǵa ıe ekenin atap ótti. Elimiz Ońtústik-Shyǵys Azııa memleketteri qaýymdastyǵy (ASEAN) qyzmetiniń tetikteri men tájirıbesin qoldanýǵa nıetti.
– Qazaqstannyń Ekonomıkalyq yntymaqtastyq jáne damý uıymyna (EYDU) múshe bolýyna qoldaý kórsetkeni úshin Chılı Úkimetine rızashylyq bildiremiz, – dedi Memlekettik hatshy Chılı Respýblıkasynyń elshisimen kezdesý barysynda.
Gvatemala Respýblıkasynyń elshisimen kezdesý barysynda Gúlshara Ábdiqalyqova: «Infraqurylym, qarjy, qyzmet kórsetý, kólik, aýyl sharýashylyǵy, jeńil jáne azyq-túlik ónerkásibi, týrızm salalaryndaǵy birlesken jobalardy iske asyrý yntymaqtastyqtyń mańyzdy baǵyty bolýy múmkin», – dep atap ótti.
Sondaı-aq, Memlekettik hatshy barlyq eldiń ókilderin kórme aıaqtalǵannan keıin EKSPO aýmaǵynda «Astana» halyqaralyq qarjy ortalyǵy, BUU qoldaýymen «jasyl» tehnologııalardy jáne ınvestısııalyq jobalardy damytý jónindegi halyqaralyq ortalyq, IT-startaptar halyqaralyq tehnopark sııaqty iske asyrylatyn jobalarǵa qatysýǵa shaqyrdy.
Gúlshara Ábdiqalyqova elshilerge sáttilik tilep, elderimiz arasyndaǵy dıalogtyń sátti damıtynyna senim bildirdi.
