Prezıdent N.Nazarbaevtyń jyl saıynǵy halyqqa Joldaýyn qalyń buqara arasyna keńinen nasıhattaý − bárimizdiń mindetimiz. Osy maqsatta Úkimet músheleri men Parlament depýtattarynan, oblys pen aýdan jáne aýyl ákimdiginen, sondaı-aq mekeme qyzmetkerleri tarapynan úgit-nasıhat toby qurylyp, ártúrli is-sharalar ótedi. Men de aýylymyzdaǵy aqparattyq-nasıhattyq toptyń múshesimin jáne ony maqtan tutamyn.
Joldaýda atap kórsetilgen mindetter men tapsyrmalar aýdanymyzda, qala berdi aýylymyzda júzege asyp jatqandyǵyna kýá bolyp júrmiz. Atap aıtqanda, byltyr Shardara aýdany Dostyq eldi mekenindegi 400 oryndyq mádenıet úıiniń ǵımaraty 108 mln teńgege kúrdeli jóndeýden ótti. «Dostyq» jalpy orta mektebinde 2009 jyly 9,5 mln teńgege, 2012 jyly 32 mln teńgege, 2016 jyly 19,456 mln teńgege kúrdeli jóndeý jumystary oblystyq bıýdjettiń qarjylandyrýymen júrgizildi. Eski 140 oryndyq balabaqsha 2014-2015 jyldary respýblıkalyq, oblystyq bıýdjettiń esebinen bólingen 2 mln 95 myń teńge qarjyǵa aǵymdaǵy jóndeýden ótken.
Eldi mekenimizde ortalyqtandyrylǵan aýyz sý qubyry bar. Sýdyń sapasy qanaǵattanarlyq. 1978 jyly salynǵan nysandy «Shardara aýyl servıs» MMK 2011 jyly oblystyq bıýdjetten bólingen 78 mln 644 myń teńgege qaıta qurylymdaýdan ótkizdi. Aýyldyń ishki kósheleriniń jalpy uzyndyǵy 1991 jylǵa deıin 935 metrdi qurasa, ol kórsetkish búginde 1505 metrge jetip otyr. Kóshelerge qıyrshyq tas, asfalt tóselip, jańartylyp tolyǵymen ortasha jóndeýden ótti.
Qazirgi tańda aýyldyń ishki júıelerin elektrlendirý boıynsha 4 mln 43 myń teńgege JSQ daıyndalýda. Aýylymyzda baspana máselesi de ońtaıly sheshilip keledi. Qazir turǵyn úı alabyna bólingen jer ýchaskesiniń aýmaǵynda jasalynyp jatqan bas jospardyń ońaılatylǵan syzbasy bekitilip, tolyǵymen oryndaldy. Budan bólek, jańadan kommýnaldyq 3 turǵyn úıdiń qurylys jumystary júrgizilýde, keler jyldyń naýryz aıynda aıaqtalady dep kútilýde. Al aýylymyzda ótetin mádenı is-sharalardyń sany da jetkilikti. Minekı, Elbasymyzdyń Joldaýlarynda aıtylǵan máseleler bizdiń aýylymyzda da osylaısha qarqyndy túrde júzege asyp keledi.
Qoryta aıtqanda, jańa jaǵdaıdaǵy rýhanı jańǵyrý barshamyzdan jahandyq ózgeristerge jáne jańashyldyqtarǵa daıyndyqty jáne umtylysty qajet etedi. О́ıtkeni biz aıryqsha serpindilikpen jyljyp jatqan zymyran ýaqytta ómir súrýdemiz. Jalpy, baǵdardan aıqyn kózqaras, jahandaný dáýirinde qalaı da ult retindegi óz ereksheligin saqtap, damý muratynan týǵan kúreskerlik, jańashyldyq ańǵarylady. Osy qasıetter namys týyn únemi tik ustaıtyn qazaq degen halyqtyń árbir azamatynyń boıyna darysa, nur ústine nur bolar edi.
Nurbas ISA
Ońtústik Qazaqstan oblysy,
Shardara aýdany,
Dostyq aýyly
