Qalyńdyq armandaǵan kún

Uzyn kóılek demekshi, etek qansha qysqaryp, uzarsa da, toı kóılegi mindetti túrde uzyn qalpyn saqtap qaldy. Ásirese, biz­diń qyzdarymyz halyqtyń qaq orta­syn­daǵy hanshaıym sekildi, uza­ty­lý, úı­lený toılarynda kóıleginiń uzyn bol­ǵanyn qalaıdy. 
Bıylǵy tamyz aılaryndaǵy toı kóı­lek­teriniń trend – shabdaly tústisi. Erek­she appaq kóılekter  de sán sahnasynan ke­te qoıǵan joq. Tek biz aıtqan eki túrli kóı­lekke de metall áserli kóılekter qa­lyń­dyqty sándi etip kórsetedi. 

Al úılený toıynyń negizgi hanshaı­ymynan bólek, meımandarǵa aıtar bolsaq, ádemi uzyn kóılek kııýden bas tartpańyz. Qyz­met babynda kólbeńdep júrýge múm­kin­dik joq shyǵar. Sýǵa shomylǵanda, taý­ǵa shyǵyp, kólik júrgizgende uzyn kóılek kı­ip júrgen qolaısyz dep esepteıtin bol­sa­ńyz, onda toıǵa mindetti túrde uzyn kóılek kı­geısiz. Kóılek kıgen áıeldiń júris-tu­rysy da ózgerip shyǵa keledi. Kóılek – ke­ńis­tiktegi ǵajaıyp úılesim. Bıylǵy maý­symda tobylǵy kúreń, shymqaı qyzyl, kók, kók-jasyl, altyn tústi kóılekter sán­de ekenin eskerte keteıik.

Toı makııajy

Basqa merekelerge qaraǵanda, qalyń­dyq­qa jasalatyn toı makııajy názikteý ári kúrdeli bolyp keledi. Toıdyń basty keı­ip­keri vızajıspen aqyldasyp, aldyn ala synaq makııajyn jasatýy tıis. Sy­nama makııaj jasaý barysynda boıan­dyrýshy qalyńdyqtyń kóılegi men aqjelegine mán berýi tıis. Soǵan laıyq shash úlgisi jasalyp shyǵady. Negizinen vızajıst pen stılıstiń aqyldasa otyryp qalyńdyqtyń kelbetin jasap shyqqany durys. Eki maman da qalyńdyqtyń jan túkpirine, minez-qulqyna mán berýi kerek. Máselen, uzyn toı kóılegi men kede kııýge bolatyn trend paıda boldy.
Qalyńdyq qazaqy ári uıań bolsa, bul úl­gige bara bermeıtini anyq. Onyń ús­ti­ne stıl degenimiz batyldyqty talap etedi. Máselen, qazir áıelderdiń shal­bar kıip júrýi qalypty jaǵdaı. Al eń birinshi shalbar kıip shyqqan qyzdyń qandaı batyl bolǵanyn elestete alasyz ba?

Toı makııajyn jasaýshy tek bet-álpetińizdi ǵana árlemeıdi. Eger kó­ki­rek tusy ashyq kóılek kıetin bol­sa­ńyz, alqymyńyzdy da boıaýy tıis. Qol, qu­laq. Tipti, arqasy ashyq kóılek kıse­ńiz arqańyzdy da boıaýy qajet bolady. Son­dyqtan makııaj ishindegi eń jaýapty hám kúrdelisi osy toı makııajy bolyp sa­na­lady.

Makııajdardyń da túr-túri sánge enip ja­tady. Bıylǵy trend – kútim kórgen bet álpet dep atalady. Iаǵnı, mundaı ma­kııaj siz kúnde kosmetologqa baryp júr­gen­deı áser qaldyrýy tıis. Ol úshin vızajı­st arnaıy haılaıter paıdalanady. Toı m­a­kııajyn jasaǵanda ashyq tústerdi emes, jum­saq reńkterdi qoldanady. Ja­syl já­ne kók tústi toı makııajyna ja­qyn­daı kórmeńiz. Bul tústerdiń sizdiń kóı­le­gińizdi arzanqol etip, ózińizdi ańǵal etip kórsetýge qudireti jetip jatyr.

Jabyq kóılek kıetin qalyńdyq shashyn joǵary jınaǵany jón, al arty ashyq kıingender saqınaly buıralar jasaýyna bolady. 
Toı makııajynda arnaıy kontýr jasalmaıdy. Onyń ornyna strobıng sánge kirdi. Strobıng degen ne? Boıaýdy sińire ja­ǵyp, betti jarqyratýdy strobıng dep ataı­myz. Kóbine Gollıvýd juldyzdary stro­bıng paıdalanady.

Sán álemine saıahat jasaǵan 
Aınur TО́LEÝ