Sýret: zhaikpress.kz
Oblys ákiminiń baspasóz qyzmetinen túsken málimetke qaraǵanda, batysqazaqstandyq delegasııany Ońtústik Qazaqstan oblysynyń ákimi Janseıit Túımebaev qarsy alyp, OQO-nyń áleýmettik-ekonomıkalyq damý barysymen tanystyrdy. Jıyn maqsaty ekonomıkalyq, mádenı-gýmanıtarlyq jáne ózge de salalarda tyǵyz yntymaqtastyq ornata otyryp, ózara taýar aınalymyn ulǵaıtý, óńirlerdiń ekonomıkalyq jaǵdaıyn jaqsartý bolyp tabylatyndyǵyn aıtqan J.Túımebaev qos oblystyń ózara tıimdi ári nátıjeli qarym-qatynastarynyń odan saıyn damı túsýine bul kezdesýdiń septigi mol bolaryna senim bildirdi.
Altaı Kólginov Batys Qazaqstan oblysynda júzege asyp jatqan birqatar jobalar jóninde áńgimelep, munyń Qazaqstannyń ońtústigi men batysyna tıimdi bolady degen tustaryn jetkizdi.
«Biz Ońtústik Qazaqstan oblysyna munaı-gaz sektorynan bólek áriptestiktiń ózge de salalaryn usynǵymyz keledi. Mysaly, Ońtústik Qazaqstan oblysynyń aýyl sharýashylyǵy men jeńil ónerkásiptegi áleýeti joǵary. Osyny eskere otyryp, aýyl sharýashylyǵy salasynda jańa tehnologııalardy paıdalaný, AО́K ónimderin qaıta óńdeý men agroónimderdi eksporttaý úshin ınfraqurylym qurylysyn júrgizý baǵytynda birlesken jobalardy uıymdastyrýǵa daıyn ekenimizdi málimdeımiz», - dedi BQO ákimi.
Kezdesý barysynda kelisilgen birinshi qujat aıasynda Ońtústik Qazaqstan jáne Batys Qazaqstan oblystarynyń ákimdikteri arasynda ınvestısııa men óndiris, shaǵyn jáne orta bıznes, saýda-sattyq, týrızmdi damytý, aýyl sharýashylyǵy, densaýlyq saqtaý salalarynda áriptestik ornatý kózdelse, ekinshi memorandým Kentaý transformator zaýytynan «Qarashyǵanaq Petrolıým Opereıtıng b.v.» kompanııasyna transformatorlar jetkizý týraly boldy. Sońǵy, úshinshi memorandým «Shymkent» ÁKK» UK» AQ men «Oral» ÁKK» UK» AQ arasyndaǵy yntymaqtastyqty nyǵaıtpaq. Tórtinshi qujat - kelisimshart «Shymkentsement» AQ men BafkerHughes kompanııalary arasynda jasaldy.
Aıta keteıik, bul BQO ókilderiniń Ońtústikke jasap otyrǵan alǵashqy jumys sapary emes. Bıyl sáýir aıynda ındýstrııaldy aımaqtarda atqarylyp jatqan jobalarmen tanysyp, tájirıbe almasý úshin Ońtústik Qazaqstan oblysyna dál osyndaı sapar uıymdastyrylǵan bolatyn.
