Maksım Gorkıı atyndaǵy Memlekettik akademııalyq orys drama teatryndaǵy sharaǵa Qyzylorda oblysynyń ákimi Qyrymbek Kósherbaev, QR Parlamenti Májilisiniń depýtattary, zııaly qaýym ókilderi jáne óner ıeleri qatysty.
Syr eliniń tarıhy men tanym-taǵylymyn sıpattaıtyn barsha Túrki áleminiń abyzy Qorqyttyń ómirin sóz óneriniń asyl qudiretimen jetkizgen qoıylymnyń avtory, jerlesimiz, aqyn, dramatýrg - Iran-Ǵaıyp bıyl 70 jasqa tolyp otyr. Osyǵan oraı Qyzylorda oblysynyń ákimi Qyrymbek Kósherbaev mereıtoı ıesin qýanyshymen quttyqtap, izgi tilegin bildirdi.
«Baıqońyrdyń janynda Jankentte Qorqyt babamyz dúnıege kelgen. Búkil túrki áleminiń abyzy sasqanǵa saıa, asqanǵa tosqan, eldiń ıesi, jerdiń kıesi bolǵan Qorqyt babamyz áli de tiri. О́ıtkeni qobyzdyń saryny oınap tur. Qorqyt ata keshenin Elbasy tapsyrmasymen qaıtadan jandandyrdyq. Máńgi el degen uǵymnyń bir tarmaǵy – sol Qorqyt babanyń keshenine barǵan kezde, qobyzdyń sarynyn estigen kezde kózińiz jetedi. Rýhanı jańǵyrý jolynda óziniń erekshe úlesin qosyp júrgen aqyn, dramatýrg Iran Ǵaıyp aǵamyz 70 jasqa tolyp otyr. Mereıtoıyńyz qutty bolsyn!» degen Qyzylorda oblysynyń ákimi Qyrymbek Kósherbaev teatr ujymyna spektakldi tıisti deńgeıde oryndap shyqqandary úshin alǵys bildirdi.
Spektakldiń rejısseri-Qazaqstannyń eńbek sińirgen qaıratkeri Ámir-Temir Huseın, sýretshisi – Qazaqstannyń eńbek sińirgen qyzmetkeri Serik Pirmahan.
Dál osy kúni «Syr shejiresi» atty qolóner sheberleriniń jáne oblystyń tarıhy men mádenıetine arnalǵan kórme ashyldy.
Esterińizge sala keteıik, Astanada «EKSPO-2017» halyqaralyq mamandandyrylǵan kórmesi aıasynda 10-14 tamyz kúnderi Qyzylorda oblysynyń mádenı kúnderi ótýde.
