G.Osterdiń «Mazasyz tıin» týyndysy Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynda sahnalandy. Úlkenge syılastyq, kishkentaı balalarǵa qamqor bolý, dostaryna kómek qolyn sozý syndy kórinister spektaklde aıryqsha sıpattalǵan. О́nerpazdar túrli ańdardyń keıpine enip, janýarlardyń is – qımylyn, sóılegen sózin balalarǵa sheber jetkize bildi. Qoıylym rejısseri – E.Abjalıev, sýretshisi – Q.О́mirbekov. Sonymen qatar qoıylymda M.Orazalıeva, A.Orynbaeva, N.Ibraeva, M.Alıhanov, Q.Abjalıev, E.Abjalıev jáne t.b artıster óner kórsetti.
Osy kúni Maksım Gorkıı atyndaǵy Memlekettik akademııalyq orys drama teatrynda M.Ahýnzadeniń «Ketpeısiń. Boldy, ketpeısiń...» spektakliniń premerasy kórsetilip, qyzylordalyq ónerpazdar kórermender yqylasyna bólendi. Aıta keteıik, Spektakldiń qoıýshy rejısseri – Qazaqstannyń eńbek sińirgen artısi, «Qurmet» ordeniniń ıegeri Murat Ahmanov. Sondaı-aq, premeraǵa Sábıt Rahman atyndaǵy Shekı memlekettik drama teatrynyń bas rejısseri, Ázerbaıjan Respýblıkasynyń óner qaıratkeri Mırbala Salımlı Seııdaskerogly qatysty.
Esterińizge sala keteıik, Astanada «EKSPO-2017» halyqaralyq mamandandyrylǵan kórmesi aıasynda 10-14 tamyz kúnderi Qyzylorda oblysynyń mádenı kúnderi ótýde.
