Jekpe-jek • 11 Tamyz, 2017

Nurzat Sálimbaev – álem chempıonatynyń kúmis júldegeri

450 ret
kórsetildi
1 mın
oqý úshin

Chılıdiń Santıago qalasynda  kadetter arasynda ótip jatqan álem chempıonatynda otandasymyz Nurzat Sálimbaev (60 kg) vıse chempıon atandy.  Fınalda Kazbek Nagýshevke (Reseı) ese jibergen Nurzat el qorjynyna alǵashqy medaldi saldy.

Nurzat Sálimbaev – álem chempıonatynyń kúmis júldegeri

Nurzat Sálimbaev alǵashqy beldesýinde Alıjandro Retımaldy (Chılı), ekinshi aınalymda Kýrbonalı Bazarovty (Tájikstan), 1/8 fınalda Tomas Koýzo Aspıtıany (Argentına) ıpponmen jeńip, jartylaı fınalǵa joldama aldy. Jartylaı fınalda mońǵol dzıýdoshysy Narmandah Baıanmýhty ıpponmen jeńip, fınalǵa  shyqqan bolatyn.

Esterińizge sala ketsek, Chılıde kadetter arasynda álem chempıonaty ótip jatyr. Jyldyń eń mańyzdy dodasyna 64 elden 428 dzıýdoshy qatysyp, baqtaryn synaýda. Álem chempıonaty aǵymdaǵy jyldyń 13 tamyzyna deıin jalǵasady.