О́ńirdegi kıeli oryndardyń biri – Bereldegi Patshalar jazyǵy. Mamyr aıynda professor Zeınolla Samashev S.Amanjolov atyndaǵy ShQMÝ-dyń tarıh fakýlteti stýdentterimen birge №5 qorymdy qazyp bastaǵan bolatyn. Munda aqsúıek áıeldiń jerlengeni belgili bolyp otyr. Múrdemen birge jetken altyn áshekeıler, qymbat tonnyń qıqymdary, sáýkele bólikteri, qanjar men beldik qabir ıesiniń jaýynger bolǵanyn kórsetedi.
Oblys ákimi Danıal Ahmetov qorymnyń basynda bolyp, Zeınolla Samashevpen birge qabirge túsip, tabylǵan áshekeılerdegi janýarlardyń keskinin kózben kórdi.
«Bul kıeli oryn. Osy aýmaqtyń tabıǵaty da adamdy tamsandyryp, shabyt syılaıdy. Patshalar jazyǵy atalýy da tegin emes. Kórgen dúnıeler maqtanysh sezimin oıatady. Buǵan deıin bizdiń babalarymyzdy kóship-qonýdan basqany bilmegen halyq dep keldi. Al tabylǵan jádigerler bul jerde altyndy asqan eptilikpen óńdeıtin ozyq tehnologııa bolǵanyn ańǵartady. Mundaı týyndylardy dúnıege ákelý úshin kent nemese óndiristik ortalyq qajet. Iаǵnı, qazaq dalasynda osyndaı oryndar bolǵan. Arheologtarǵa sony tabý qajet», deıdi Danıal Ahmetov.
Berel qorymynan tabylǵan jádigerlerdiń tarıhı mán-mańyzy jónindegi tolyq málimetti Zeınolla Samashev qyrkúıek aıynyń basynda О́skemen qalasynda ótetin halyqaralyq konferensııada jarııalaıdy, dep habarlady oblys ákiminiń baspasóz qyzmeti.
Raýshan NUǴMANBEKOVA
Semeı
