Mańǵystaý oblysynyń etno-mádenı kerýen qatysýshylary elorda qonaqtary men turǵyndaryna aýqymdy baǵdarlama daıyndaǵan.
Mádenıet kúnderiniń ashylýy 15 tamyz kúni saǵat 21.30-da «EKSPO-2017» alańyndaǵy amfıteatrda ótedi.
15-18 tamyz aralyǵynda Qazaqstan estradasynyń tanymal juldyzdarynyń jáne Mańǵystaý oblysynyń shyǵarmashylyq ujymdarynyń qatysýymen 40-qa jýyq mádenı shara ótkizý josparlanýda.
Mádenıet kúnderi barysynda Aqtaýda uıymdastyrylǵan jáne maqtanyshpen kórsetetin eń qyzyqty mádenı sharalar men oqıǵalar usynylady. Sharada zamanaýı estradalyq ónermen qatar, halyq shyǵarmashylyǵy qamtylady. Konserttik baǵdarlamada Mańǵystaý oblysynda shyǵarmashylyq jolyn bastaǵan A.Qosanova, Tamara Asar, Kamshat Joldybaeva, Ǵalymjan Joldasbaı, Luqpan Joldasov óner kórsetedi.
Kongress-hollda Mańǵystaý oblystyq M.О́skinbaev atyndaǵy fılarmonııasy A.Taraquly atyndaǵy ult-aspaptar orkestriniń dástúrli án-kúı-jyr sazdarynyń konserti bolady.
18 tamyz kúni saǵat 19.00-de M.Gorkıı atyndaǵy memlekettik akademııalyq orys drama teatrynda N.Jantórın atyndaǵy oblystyq mýzykalyq-drama teatrynyń «Shyńyraý» spektakli ótedi.
Mádenıet kúnderi Mańǵystaý oblysynyń ulttyq naqyshtaǵy erekshe qolóner buıymdary nazarǵa usynylady. Budan bólek, etnoaýylda kórermender ulttyq oıyndardy tamashalaı alady.
Barlyǵy Astanaǵa Mańǵystaýdan 600 adam keledi jáne oblystyń mádenı muralaryn pash etedi.
