Mektep dırektoryna birneshe ret shaǵym túsken jaǵdaıda ony tártiptik jazaǵa tartý máselesi qaralady.
- Munyń barlyǵy mektepterde nemese saıttarda jarııalanbaý kerek. Biz qandaı bolsyn, qyzyǵýshylyqty qorǵamaýymyz kerek. Ata-analar ózderi yńǵaılylyǵyna qaraı tańdaýy qajet. Bul dúken, bazar bolýy múmkin, qaı jerde, qalaı yńǵaıly bolady, sol jerden alady, - deıdi Astana qalasy bilim basqarmasy basshysynyń m.a. Ánýar Janǵozın.
Budan bólek, qalalyq bilim basqarmasy mektep basshylyǵyn saıtqa emblemanyń elektrondy nusqasyn salýdy mindettedi. Tıisti hat mektep dırektorlaryna jiberildi: munyń barlyǵy qandaı da bir jetkizýshi kompanııanyń múddesin qorǵamaý úshin jumystar júrgizilýde. Osylaısha, ata-analarǵa emblema tigilgen pıdjak jáne jeıde alý mindet emes.
- Biz barlyq mektepterge emblemalaryn saıtta jarııalaý úshin hat joldadyq. Endi kez kelgen ata-ana ol emblemany kóshirip alyp, qalaǵan jerinde shyǵaryp, formaǵa jabystyra alady. Osy da jetkilikti, - deıdi A.Janǵozın
Negizgi mektep formasyna qatysty suraqtar boıynsha telefon: 55-68-53, 55-74-67.
Buǵan deıin habarlanǵandaı, Astananyń kók tústi biryńǵaı mektep formasyna kóshýi bala kıiminiń eskirýine qaraı kezeńimen kóshedi. 1 qyrkúıekten bastap qarakók tústi kostıým-shalbarmen tek birinshi synyp oqýshylary ǵana kelýi kerek. Uldar úshin mektep formasynda – pıdjak, jeletke, shalbar, trıkotajdy jeletke túsi - qara kók, al kóılek aq tústi. Sýyq kúnderi kóılekti «vodolazkaǵa» aýystyrýǵa bolady. Alaıda bıyl ata-analardyń suranysy eskerilip, barlyq kıimderdi alýdyń qajettiligi joq. Usynylatyn mınımým: kóılek, jeletke, shalbar. Qyzdar úshin mınımým: sarafan, blýzka,: jeletke, blýzka jáne beldemshe nemese jeletke, blýzka, shalbar.
