Vıse-premer osy oraıda Aqtóbede Prezıdenttiń tapsyrmasyna sáıkes barlyq sharalar alynǵanyna kóz jetkizdi. Qazirgi kúni «Nur Aqtóbe» turǵyn-úı aýmaǵyndaǵy qurylys jumystary qarqyndy júrgizilip keledi. Sondaı-aq, qanat qaqty joba birinishi kezekte qurylys sapasyna aıyryqsha mán berilýimen erekshelenetinin atap aıtqan jón. Tutastaı alǵanda oblys ortalyǵynyń shaǵyn aýdandarynda 2017-2018 jyldary 423 az qabatty jeke turǵyn-úı qurylystary boı kótermek. Onyń negizgi bóligi bıylǵy jyldyń enshisine tıedi. Bıyl baǵdarlamaǵa sáıkes myńnan astam otbasy turǵyn-úı jaǵdaılaryn jaqsartady dep kútilýde.
О́ńirdegi «Nurly jer» turǵyn-úı baǵdarlamasynyń taǵy bir basty ózgesheligi álemdik normatıvterge sáıkes keletin «Taýn haýs» úlgisindegi 3-4 qabatty úıler ekenin Aqtóbe oblysynyń ákimi Berdibek Saparbaevtyń aýzynan estigende Asqar Mamınniń júzinen rızashylyq sezimi aıqyn baıqaldy.
Premer-mınıstrdiń birinishi orynbasary Asqar Mamınniń kókeıinde jeke turǵyn-úı qurylysyn salý úshin óńirde qansha adam kezekte turǵandyǵy jónindegi saýal turǵan eken. Olardyń sany 130 000 bolyp shyqty. Onyń negizigi bóligi Aqtóbe qalasynyń turǵyndary. Bul sanattaǵy azamattyrdyń basym bólikteri turǵyn-úı qurylys jınaq bankinde tıisti qarajattaryn jınaqtaǵan. Deni ózderiniń tólem qabilettiligin aıqyndap, ári dáleldep úlgeregn. Bizdiń maqsatymyz –qurylysty tez, ári sapaly anyqtap, turǵyn-úı kezeginde turǵandardyń qoldaryna tıgizý dep málimdedi oblys basshysy Berdibek Saparbaev premer-mınıstrdiń birinishi orynbasary Asqar Mamınge.
Buǵan múmkindikteriń jete me degen saýalǵa da tolyqandy jaýap qaıtaryldy. Búgingi kúni bul iske óńirdegi 130-dan astam qurylys kompanııalary men qurylys ındýstrııasy kásiporyndary bir kisideı jumylǵan. Materıaldyń 80paıyzy jergidikti jerde óndiriliteni de qurylystyń ózindik qunyn tómendete túseri anyq. Oblysta turǵyn-úı qurylysyn salýmen qatar, el-jurtqa qajetti ınfraqurylymdyq júıeler de qulashyn keńge jaıa túsýde. «Nurly jer» baǵdarlamasy aıasynda turǵyzylǵan jeke turǵyn-úıler aýmaǵynda 1200 oryndyq orta mektep pen balalar baqshasy jáne táýligine 300 adamdy qamtı alatyn emhana qurylystary memleket-jekemenshik áriptestigi aıasynda boı kótermek. Jumys babyndaǵy sapary barysynda premer-mınıstrdiń birinishi orynbasary «Nurly jer» turǵyn-úı baǵdarlamasy aıasynda qurylysy aıaqtalǵan úılerdi aralap kórip, onyń sapasyna, syrtqy jáne ishki ıntererine oń baǵa berdi.
Budan keıingi kezekte ol osy arada óndiristik jınalys ótkizip, Aqtóbe óńirinde «Nurly jer» baǵdarlamasy boıynsha tyndyrylyp jatqan sanalýan ister búkil respýblıka óńirlerine úlgi, ónege jáne model bola alatynyna ekpin túsirdi. Ásirese mundaǵy sapa men qoljetimdi baǵanyń úılesimdiligine eshqandaı baǵa jetpeıdi dep atap kórsetti premer-mınıstrdiń birinishi orynbasary Asqar Mamın.
Joǵaryda aıtylǵan óndirisitik jınalysqa elimizdiń barlyq oblystaryndaǵy oblys ákimderiniń qurylys máselelerin qadaǵalaıtyn orynbasarlary qatysqan edi. Olar Aqtóbede «Nurly jer» baǵdarlamasyna qatysty júzege asyp jatqan tyń ári sony jobalardan tıisti oı túıip qaıtqandaryna kúmán keltire almaımyz. Sondaı-aq osy basqosý kezinde oblystaǵy «Nurly jer» baǵlardamaynyń iske asýyna úı qurylysy kombınatynyń tehnologııasy úlken kómegin tıgizgeni atap ótildi. Buǵan taǵy bir qosarymyz atalmysh jınalysta Qaraǵandy, Pavlodar, Soltústik Qazaqstan oblystary men Astana qalasynda «Nurly jer» baǵdarlamasy boıynsha bólingen qarajattardy ıgerý baıaý ekeni de atalyp ótti.
Bir sózben aıtqanda Aqtóbe oblysyndaǵy eki kúndik jumys saparymen bolǵanda premer-mınıstrdiń birinishi orynbasary Asqar Mamınniń tujyrymy naqty ári qysqa túrde kórinis tapty. Iаǵnı, onyń oıynsha qazirgi kezde Aqtóbe –«Nurly jerdiń» respýblıka oblystary arasyndaǵy basty úılestirýshi býyny bolyp otyr.
Temir QUSAIYN,
«Egemen Qazaqstan»
