BASQOSÝ TAQYRYBY – BOKS

Sıamıanda halyqaralyq áýesqoı boks federasııasynyń (AIVA) keńeıtilgen alqa májilisi ótýde. Oǵan Azııa jáne Tynyq muhıty aımaǵynan 67 eldiń ókilderi qatysýda. Bul basqosý ádettegideı ótken jyldyń qorytyndysyn shyǵaryp, osy jyldyń jumys josparyn bekitý máselesine arnalyp otyr. Teljan KÚDEROV, arnaıy “Egemen Qazaqstan” úshin – Sıamıannan (QHR). Májilistiń birinshi kúni aldy­men AIVA tarapynan bola­tyn ózgerister jóninde másele qa­ral­dy. Onda tuńǵysh ret Búkil­álemdik boks serııasy (WSB) jek­pe-jekterin bastaýǵa baılanysty kelisimderge qol qoıyldy. Alǵash bolyp mundaı mártebege Azııa aımaǵy boıyn­sha synǵa túsetin memleketter ıe boldy. Bizdiń eldiń atynan atalmysh qujatqa Qazaqstan áýesqoı boks federa­sııa­synyń vıse-prezıdenti Jan­bolat Sársenov qol qoıdy. Osy keli­­sim­ge sáıkes, sary qurlyqtan Búkilálemdik boks­ serııasy boıyn­sha ótetin básekelerge Qazaqstan, Qytaı, Úndistan jáne Ázirbaıjan memleketteri qatyssa, Eýropadan Túrkııa, Ita­lııa, Reseı men Germanııa neme­se Anglııa tańdalatyn bolyp sheshildi. Bul elderdiń qaısysynyń joǵaryda atalǵan syndarǵa qatysatyny Máskeý­degi aqpannyń basynda ótetin kezdesýde belgili bolady. Májiliste joǵarydaǵy máse­le­­ge baılanysty WSB serııasy boıynsha ótetin jekpe-jekter­diń erejesi men ótý kezeńi jó­ninde keń­i­rek málimet berildi. Bul báse­kelerge barlyq qurlyq elderiniń qatysýǵa múmkindikteri bar. Qazir oǵan Azııa men Eýro­padan basqa Amerıkadan eki memleket – AQSh pen Meksıka qatysýǵa nıet bildirýde. WSB syndarynda qolǵap túıistiretin myqtylardy anyqtap alý úshin ulttyq quramalar mamyr aıyna deıin tolyqtaı jasaqtalyp bitýi tıis. О́ıtkeni, onyń alǵashqy jekpe-jekteri bıylǵy jyldyń qarashasynan bastap ótkiziledi. AIBA basshysynyń aıtýyn­sha, Qazaqstan boks federa­sııa­sy ózge elderdegi áriptesterinen buryn básekelerge qatysý úshin alǵashqy jarnalyq aqyny tolyǵymen tólep tastaǵan. Osy jaǵdaıdy eskere oty­ryp, AIBA qarasha aıynda birinshi bolyp jekpe-jekterdi Qazaqstan byl­ǵary qolǵap sheberleriniń ótki­zýine múmkindik berip otyr. Sol kezde, ıaǵnı qarashada Astanaǵa kezek-kezegimen úsh eldiń boks­shylary keledi. Sonda ár ulttyq qurama óz sharshy alańynda úsh kezdesý jáne syrt alańda dál osyndaı úsh jekpe-jek ótkizedi. Sóıtip, onyń qorytyn­dysynda, aınalymdyq júıe boıyn­sha myqty komanda anyqtalady da olar ózge eldiń boksshylarymen bas júldeni sarapqa salady. WSB jary­synda jekpe-jekter komandalyq jáne jekeleı esep boıynsha da ótedi. Mundaǵy básekelerde bylǵary qolǵap ıe­leri tek jeńil, ortasha jeńil salmaq, ortasha, aýyr jáne asa aýyr salmaq dárejelerinde kúsh synasady. Ár eldiń quramasyna ár salmaqta eki boksshyny judy­ryq­tastyrýǵa jaǵdaı jasalady. Sonda qurama sapynda on boksshy óner kórsetetin bolady. Sharshy alańdaǵy jekpe-jekter úsh mınótten bes raýndqa sozylyp ótedi. Osy jıynda halyqaralyq boks federasııasynyń prezıdenti Chın Ko Vý Búkilálemdik boks serııa­sy­nyń AIVA-nyń tól balasy ekenin, sondyqtan da ony bir-birinen bólýge bolmaıtynyn, bul tek bokstyń qyzyǵýshylyǵyn arttyrý úshin jáne bylǵary qolǵabyn shegege ilgen jigitter úshin nápaqa tabý bolsa, osy syndardy ótkizetin promoýterlik kompanııalarǵa da paıda tabýdyń bir kózi bolyp taby­latynyn atap ótti. Sonymen birge, ol WSB jekpe-jekterinde aıqasqan boksshylar mindetti túrde olım­pııa­lyq irikteý syndaryna joldama alyp jatsa, Olımpıadaǵa qatysa alatynyn, osyndaı halyqaralyq boks federasııasy tarapynan jasa­lyp jatqan jaǵdaı barlyq elder­diń bylǵary qolǵap mektebin damy­týǵa arnalyp otyrǵanyn qadap aıtty. Budan keıin ol Qazaqstan­nyń boks mektebi jóninde óz piki­rin bildirip, onyń búginnen bastap zańdy túrde WSB básekelerin ótki­ze alatyn memleketterdiń al­ǵash­qysy bolyp shejirege jazylaty­nyn, Qazaqstannyń boks boıynsha da Azııanyń kóshbasshy el bola­tynyna senimdi ekenin sóz etti. Májiliste AIBA basshysynyń pikirine baılanysty respýblıka boks federasııasynyń vıse-prezıdenti Janbolat Sársenov: “Bizdiń elde ulttyq federasııa tara­pynan WSB básekelerine naqty kóńil bólinip otyr. Jyl basynda óziniń jeke bıýdjetin jasadyq. Osy ispen aınalysatyn maman­dar­dy da jumysqa tartyp jatyrmyz. Boksshylardyń da tizimderi jasal­dy. Endi tek bapkerler alqa­syn jasaqtaýymyz kerek. Bul isti bilikti maman Bolat Man­kenovke senip tapsyramyz”, dedi. Májilistiń ekinshi jumys kúnin­de Sıngapýrde ótetin jasóspi­rimder arasyndaǵy olıpıadalyq oıyndarǵa irikteý barysy men tóreshiler alqasynyń máselesi jáne keler jyly bokstan jas mól­sherine qaraı álem chempıonattary ótetin memleketterdiń tanystyry­ly­my bolady. Olardyń ishinde As­ta­na qalasy da bar. Sonymen birge bokstaǵy salmaq dárejesin tal­qy­laý máselesi de kún tártibine shy­ǵarylyp otyr.